Prakash Londhe Crime: केंद्रीय मंत्र्यांच्या पक्षाचा अध्यक्ष दहा वर्षे खंडणी वसुलायचा, आकडा ऐकूण पोलिसही चक्रावले!

Prakash launde News: आरपीआय नेते आणि माजी नगरसेवक प्रकाश लोंढे पोलीस कारवाईत अडकले आहेत. त्यांचे गुन्हे आणि वसुलीच्या रकमा पोलिसांनाही धक्कादायक ठरल्या. गेली दहा वर्ष माजी नगरसेवक लोंढे खंडणी वसुलीत सक्रिय होते.

आरपीआय नेते प्रकाश लोंढे आणि त्यांच्या टोळीतील १३ जणांविरोधात मोकाची कारवाई करण्यात आली आहे. यातील चार जण अद्यापही फरारी आहेत. त्यात 'पीएल' ग्रुपचा टोळी प्रमुख आणि लोंढे यांचा मुलगा भूषण याचाही समावेश आहे.

या संदर्भात पोलीस तपासात अनेक धक्कादायक प्रकार उघडकीस आले आहेत. खून, खंडणी, जमीन बळकावणे हे प्रमुख गुन्हे 'पीएल' ग्रुप करत होता. गेली दहा वर्ष त्यांचे हे कारणामे सुरू होते.

तपासात गेल्या दहा वर्षांपासून अनेक शेतजमिनी आणि बंगले 'पीएल' ग्रुपने बळकावले. त्यानंतर विक्री आणि कब्जा सोडण्यासाठी कोटींच्या खंडणी वसूल केल्या. या दरम्यान त्यांच्या विरोधात वीस गंभीर गुन्हे दाखल झाले.

सातपूर येथील ऑरा बार आणि रेस्टॉरंटच्या मालकावर खंडणीसाठी गोळीबार करण्यात आला. दहशत निर्माण करण्यासाठी चापर्णी हल्ला झाला. त्यात ग्राहकासह मालक जखमी झाला. ही घटना लोंढे यांच्या गुन्हेगारीला ग्रहण ठरली.

या संदर्भात पोलिसांनी माजी नगरसेवक प्रकाश लोंढे याला मुलगा दीपक लोंढे यांसह अटक केली. त्यानंतर त्यांच्याकडून 'नाशिक जिल्हा, कायद्याचा बालेकिल्ला'हे वदवून घेत व्हिडिओ सोशल मीडियावर व्हायरल झाला. पोलिसांच्या या कारवाईचा लोंढे यांनी धमकावलेल्यांवर सकारात्मक परिणाम झाला.

त्यानंतर लोंढे पिता पुत्राविरुद्ध गुन्हे दाखल होण्याची मालिकाच सुरू झाली. गेल्या २२ दिवसात त्यांच्या विरोधात सात गंभीर गुन्हे दाखल झाले. त्यामुळेच त्यांच्या विरोधात मोक्काची कारवाई झाली.

शेतजमिनी, बंगले आणि अन्य मालमत्ता धमकावून ताब्यात घेतल्या जात होत्या. त्यानंतर त्याची विक्री कोणाला व किती किमतीत करायची हे लोंढे टोळी ठरवत असत. यामध्ये कोट्यावधीची खंडणीची मागणी झाल्याचे उघड झाले. त्या रकमा ऐकून पोलिसांनाही धक्का बसला. त्यातूनच 'पीएल' गॅंगचा पूर्ण बंदोबस्त पोलिसांनी केला.

-------