Bazar Samiti Result : पठ्ठ्याने करून दाखवलं; शहाद्यात नवख्या पॅनलपुढे भाजपच्या दिग्गजांचा सुपडा साफ !

Vijaykumar Gavit News : शहादा बाजार समितीच्या निवडणुकीत भाजपचेच दोन गट पडले पडल्याचे दिसून आले. यामुळे या निवडणुकीच्या निकालाची उत्सुकता होती. याचे चित्र आता निकालात स्पष्ट दिसून येत आहे. भाजपमध्येच दोन गट पडल्याने त्याचा फायदा स्थानिक पातळीवरील शेतकरी विकास पॅनलला झाला आहे.

शहादा बाजार समितीच्या निवडणुकीतमध्ये मंत्री आणि आमदारांच्या प्रस्थापित पॅनलला आश्चर्यकारक मोठा धक्का देत, स्थानिक नेते जिल्हा परिषदेचे कृषी समितीचे माजी सदस्य अभिजीत पाटील यांचा शेतकरी विकास पॅनलला १० जागांवर विजय मिळाला आहे. उर्वरित सहा जागांवर मतमोजणी सुरू आहे.

पालकमंत्री विजयकुमार गावीत (VijayKumar Gavit) यांच्या भाजप पुरस्कृत पॅनलला केवळ एकाच जागेवर समाधान मानावे लागले. तर स्थानिक आमदार राजेश पाडवी यांच्या गटाला ३ जागांवर समाधान मानावे लागले. शहादा बाजार समितीच्या निवडणुकीतमध्ये मंत्री आणि आमदारांच्या प्रस्थापित पॅनलला आश्चर्यकारक मोठा धक्का देत स्थानिक नेते व माजी जिल्हा परिषद कृषी समिती सदस्य अभिजीत पाटील यांच्या शेतकरी विकास पॅनलला १४ जागांवर विजय मिळाला आहे.

हा निकाल राज्याच्या एकूणच जिल्ह्याच्या राजकारणाला कलाटणी देणारा ठरेल, असे सांगितले जाते. राज्यातील कृषी उत्पन्न बाजार समित्यांच्या निवडणुकीसाठी शुक्रवारी (दि.28 एप्रिल) मतदान प्रक्रिया पार पडली. त्यानंतर आज कृषी उत्पन्न बाजार समितीच्या निवडणुकीचे निकाल समोर येत आहेत. यामध्ये शहादा बाजार समितीत भाजपला मोठा धक्का बसला, तर नवख्या शेतकरी पॅनलला लोकांनी स्वीकारले आहे.