Dhule News; शिंदे गटाच्या पुढाकाराने विधवांच्या डोळ्यात आनंदाश्रू

धुळे: (Dhule) धर्मवीर आनंद दिघे (Anand Dighe) जयंतीनिमित्त मुख्यमंत्री एकनाथ शिंदे (Eknath Shinde) गटातर्फे महिलांचा (Women) मेळावा झाला. त्यातील पारंपरिक उपक्रमांमुळे मेळावा लक्षवेधी ठरला. यावेळी विधवा महिलांनाही त्यात सहभागी केले होते. त्यामुळे या विधवांनी समाधान व्यक्त केले. धुळे शहरात पहिल्यांदाच असा कार्यक्रम झाल्याचे त्यांनी सांगितले. (Womens meeting in Dhule city of Shivsene Shinde Group)

या मेळाव्याचे आयोजक शिंदे गटाचे मनोज मोरे, भारती मोरे, संजय वाल्हे, मनिषा वाल्हे यांनी मोगलाई परिसरात धर्मवीर आनंद दिघे यांच्या प्रतिमेला अभिवादन केले. नंतर महिला मेळाव्याचे उद्‌घाटन झाले. दोन हजाराहून अधिक महिलांनी उत्स्फूर्त सहभाग नोंदविला. यात वेगवेगळे उपक्रम, कार्यक्रम ठेवण्यात आले. महिलांसोबत उपस्थित लहान मुलांचा बोर न्हावनाचा आगळा वेगळा लक्षवेधी कार्यक्रम झाला. उखाणे स्पर्धेतील विजेत्या महिलांना रोख बक्षीसे देण्यात आली.

जळगाव येथील ओम साईराम महिला मंडळाने भ्रूण हत्या, तर वैशाली नेवे यांनी लव- जिहादच्या जाळ्यात अडकणाऱ्या तरुणींसाठी विशेष मार्गदर्शनपर विचार मांडले. तसेच सौभाग्याचे लेणं असलेल्या हळदी- कुंकवाचे महत्त्व मेळाव्यात पटवून देण्यात आले. सौ. मोरे व सौ. संजय वाल्हे यांच्यातर्फे भेट वस्तू देण्यात आल्या.

प्रजापिता ब्रम्हाकुमारी परिवाराच्या प्रमिला दीदी व सहकाऱ्यांनी हळदी कुंकवासह धर्म संस्काराचे महत्त्व सांगितले. विधवा महिलांचा मेळाव्यात समावेश केल्याने त्यांना भावना अनावर झाल्या. परंपरेला फाटा देत त्यांचाही सन्मान केल्याने त्यांनी आयोजकांचे आभार मानले.

यावेळी छाया चहाकर, स्वाती आगलावे, अनिता दाभाडे, जयश्री चहाकर, सुवर्णा काळे, सीमा वाघ, नीता परदेशी, शीतल काळे, पूनम शेवाळे, कल्याणी कोळी, ज्योती खरात, शोभा माळी, सारिका पवार, पल्लवी सपकाळ, पूनम चव्हाण आदींनी कार्यक्रमाचे संयोजन केले.