Dhule News: धुळे महापालिकेत राष्ट्रवादीच्या कार्यकर्त्यांचा राडा; व्यवस्थापकाला मारहाण करत काळे फासले

NCP News : धुळे महापालिकेत तुफान राडा झाल्याचा प्रकार समोर आला आहे. राष्ट्रवादीच्या काही कार्यकर्त्यांनी शहरातील कचरा संकलन करणाऱ्या एका ठेकेदाराच्या व्यवस्थापकाला मारहाण केली. या प्रकारामुळे काही वेळ तणावाचे वातावरण निर्माण झाल्याचे पाहायला मिळाले.

व्यवस्थापकाला काळे फासत अंडी फेकून मारहाण्यात आली. या घटनेचा व्हिडिओ सोशल मीडियावर व्हायरल झाला आहे. या प्रकारानंतर महापालिकेत काही वेळ तणावाचे वातवरण पाहायला मिळाले.

नेमकं काय घडलं?

धुळे महापालिकेच्या कचरा संकलन करणाऱ्या ठेकेदाराच्या व्यवस्थापकाला मारहाण करण्यात आल्याचा प्रकार समोर आला आहे. धुळे शहरातील रोज स्वच्छता होत नाही. वेळेवर शहरातील कचरा उचलला जात नाही. असा आरोप राष्ट्रवादीच्यावतीने करण्यात आला. तसेच या विरोधात आंदोलन करण्यात आलं.

या आंदोलनादरम्यान, ठेकेदाराच्या व्यवस्थापकाशी राष्ट्रवादीच्या कार्यकर्त्यांची शाब्दिक चकमक झाली. यावेळी व्यवस्थापकाने अपशब्द वापरल्याचा आरोप करण्यात आला. यानंतर राष्ट्रवादीचे कार्यकर्ते आक्रमक झाले आणि व्यवस्थापकाला मारहाण केली. तसेच व्यवस्थापकाला काळे फासत अंडी फेकून मारली. या प्रकारामुळे महापालिकेत मोठा गोंधळ झाल्याचं पाहायला मिळाला.