नगरपालिका निवडणुकीत अनेक मुद्यांवर गाजलेली नंदुरबार जिल्ह्यातील तळोदा नगरपालिका निवडणुकीत निकालानंतरही चर्चेत आहे.
तळोदा पालिकेत उपनगराध्यक्ष आणि स्वीकृत नगरसेवकांच्या निवडणूक अगोदर विरोधात लढलेले भाजप आणि शिवसेना शिंदे गटाची युती आहे.निवडणुकीनंतर राजकीय समीकरणांना वेगळंच वळण मिळालं आहे.
निवडणुकीत एकमेकांच्या विरोधात लढलेले भाजप आणि शिवसेना शिंदे गट उपनगराध्यक्ष, स्वीकृत नगरसेवक आणि विशेष समितीच्या सभापती पदासाठी अचानक एकत्र आल्याने तळोदा नगरपालिकेतील राजकारण तापलं आहे.
तळोदा नगरपालिकेत 21 सदस्यांपैकी राष्ट्रवादी अजित पवार यांच्या राष्ट्रवादीकडे सर्वाधिक 11 नगरसेवक असून, एकहाती सत्ता आहे. मात्र शिवसेनेचे सहा आणि भाजपचे चार असे एकूण दहा नगरसेवक राष्ट्रवादीच्या विरोधात असल्याने भाजप,शिवसेना युतीमुळे राष्ट्रवादीसमोर उपनगराध्यक्ष आणि स्वीकृत नगरसेवक निवडीसाठी मोठी अडचण निर्माण झाली आहे.
येणाऱ्या काळात विशेष समित्यांच्या सभापती पदासाठीही राष्ट्रवादीला कडवी लढत द्यावी लागणार असल्याचं चित्र आहे. निवडणुकीदरम्यान राष्ट्रवादी अजित पवार गट, शिवसेना शिंदे गट आणि भाजप यांनी स्वतंत्रपणे एकमेकांच्या विरोधात निवडणूक लढवली होती.
मात्र निवडणूक निकालानंतर उपनगराध्यक्ष, स्वीकृत नगरसेवक आणि विशेष समितीच्या निवडीपूर्वीच भाजप आणि शिवसेना शिंदे गटाची युती झाल्याने तळोदा नगरपालिकेतील राजकीय समीकरणे पूर्णपणे बदलण्याची शक्यता निर्माण झाली आहे.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.