कथित ऑडियो क्लिप प्रकरण; गिरीश महाजन संतापले

Girish Mahajan Audio Clip | धुळे : राज्याचे ग्रामविकास मंत्री गिरीश महाजन यांची एक कथित ऑडीओ क्लिप सध्या सोशल मीडियावर चांगलीच व्हायरल होत आहे. जिल्हा परिषद भरतीबाबत महाजन यांचे एका विद्यार्थ्यासोबत झालेल्या संभाषणाची ही एक ऑडीओ क्लिप आहे. जिल्हा परिषदेच्या भरतीसंदर्भात हा विद्यार्थी मंत्री गिरीश महाजन (Girish Mahajan) यांना जिल्हा परिषदेची परीक्षा कधी होणार असल्याचे विचारतो, मात्र महाजन यांच्याकडून त्याला उडवाउडवीची उत्तरे देत असल्याची ही ऑडिओ क्लिप व्हायरल होत आहे.

महाजन यांना फोन लावून विद्यार्थ्याने म्हंटले की, "साहेब झेडपीची फाईल तुमच्याकडे आहे. तेवढं बघा ना सर. मुलं खूप डिप्रेशन आहेत."यावर महाजन म्हणाले, तुम्हाला कामं नाहीत का रे काही. दिवसभरातून ५०० फोन करता. मी काही ते करत नाही. रद्द केली मी ते. "यानंतर विद्यार्थ्याने म्हंटले की, "अहो साहेब मुलं डिप्रेशनमध्ये आहे." तर यावरही महाजन म्हणाले की, रद्द केले ते, ठेव फोन. फोनवर संभाषण होत असताना महाजन यांनी अत्यंत अर्वाच्य आणि आक्षेपार्ह भाषा वापरली. यामुळे आता महाजन यांच्यावर टीका होत आहे. यावर महाजन यांची प्रतिक्रीया अजूनही आलेली नाही. मात्र त्यांच्यावर विविध स्तरातून रोष व्यक्त होत आहे.

याबाबत त्यांना विचारणा केलि असता त्यांनी या ऑडिओ क्लिपवर स्पष्टीकरण दिले आहे. '' शिक्षक भरतीसंदर्भात मला जाणीवपूर्वक टार्गेट केलं जातयं. जिल्हा परिषदेच्या भरतीसंदर्भात कालपासून जवळपास ४०० ते ५०० फोन कॉल्स आले. जाणीवपूर्वक कॉल करुन मला त्रास दिला जातोय. पण हा विषय माझा नसून हे सर्व काम शिक्षण विभागाचे आहे. दीपक केसरकर शिक्षण विभागाचे मंत्री आहेत. शिक्षक भरती संदर्भात कॅबिनेटमध्येही चर्चा झाली आहे. राज्य सरकार लवकरच शिक्षक भरतीची घोषणा करेल असं गिरीश महाजन यांनी यावेळी स्पष्ट केलं आहे.

दरम्यान, व्हायरल झालेल्या ऑडियो क्लिपमध्ये 'काम नाही का रे तुम्हाला काही सणासुदीच्या दिवसांत; दिवसभरातून ५०० फोन लावता. काही करत नाही मी, रद्द झाली ती परीक्षा. रद्द केली, फोन ठेव', अशा शब्दांत गिरीश महाजन जिल्हा परिषदेच्या रखडलेल्या आरोग्य पदभरतीबाबब माहिती विचारणाऱ्या उमेदवाराला उत्तरे दिल्याची कथित ऑडियो क्लिप व्हायरल झाली आहे. मात्र अद्याप या क्लीपच्या सत्यतेबाबत कोणतीही पुष्टी झालेली नाही.