Ajit Pawar News : "संभाजी महाराज 'धर्मवीर' नव्हे, 'स्वराज्यरक्षक'च!"

Ajit Pawar News : नागपूर हिवाळी अधिवेशनाचा आज अखेरचा दिवस आहे. मुख्यमंत्री एकनाथ शिंदे यांच्या समारोपाच्या भाषणानंतर, विरोधीपक्ष नेते अजित पवार (Ajit Pawar) यांनी अधिवेशनातील अखेरच्या भाषणात वढू येथील छत्रपती संभाजी महाराज समाधीस्थळ नामकरणावर ही भूमिका मांडली. छत्रपती संभाजी महाराज धर्मवीर नाही, तर स्वराज्यरक्षक आहेत, असे पवार म्हणाले.

"छत्रपती संभाजी महाराजांना आपण स्वराज्यरक्षक म्हणतो, काही जण मात्र धर्मवीर म्हणतात. संभाजी महाराज धर्मवीर नव्हते. संभाजी महाराजांनी कधीच कुठे धर्माचा पुरस्कार केला नाही. शिवाजी महाराजांनीही हिंदवी स्वराज्याची स्थापना केली. यावर काही जण जाणीवपूर्वक धर्मवीर असे म्हणतात. मी मंत्रिमंडळात असताना, निर्णय घेताना सगळ्यांना सांगायचो की, स्वराज्यरक्षक छत्रपती संभाजी महाराज असा उल्लेख आपण करावा," असे अजित पवार म्हणाले.

तुम्ही सिन्नरला दौऱ्यावर असताना कुठे गेला होतात, आम्हाला त्याबद्दल माहिती नाही. मात्र तुम्ही त्या ठिकाणी गेला नसता, तर पुढचा वाद झालाच नसता. महाराष्ट्राचे मुख्यमंत्री अंधश्रद्धेला खतपाणी घालत नाहीत, असं चित्र उभं राहिलं असतं. राष्ट्रपुरूषांविरोधात बोलल्यापंतर तुम्ही काहीच बोलला नाही.राष्ट्रपुरूषांबद्दल बेताल वक्तव्य करणाऱ्याबाबत तुम्ही निषेधही करत नाही. राज्यात पोलिसांची २० हजार पदं रिक्त आहेत, या मुद्द्यावरही अजित पवारांनी लक्ष वेधले.