Amravati Graduate Election Result : अमरावतीत मताचा कोटा ठरला, लिंगाडे विजयाच्या उंबरठ्यावर!

Amravati Graduate Election Result : अमरावती पदवीधर मतदारसंघ निवडणुकीत आता मतमोजणी पार पडत आहे. कॉंग्रेसकडून धीरज लिंगाडे यांना उमेदवारी देण्यात आली आहे. तर दुसरीकडे भाजपने पुन्हा डॉ. रणजित पाटील यांना उमेदवारी दिली आहे. दुसऱ्या फेरीतील मतमोजणी पूर्ण झाली असून, दुसऱ्या फेरीनंतर लिंगाडे यांनी निर्णायक आघाडी घेतली आहे. भाजपचे रणजीत पाटील यांचे गोटात खळबळ माजली आहे.

भाजपचे रणजित पाटील यांना 41005 मते मिळाली आहेत. तरतर काँग्रेसचे धिरज लिंगाडे यांना 43383 मते मिळाली आहेत. दोघांच्या मतातील फरक जवळपास 2400 मतांचा आहे. मतांच्या फरकावरून समजते की, लिंगाडे यांची विजयाकडे वाटचाल सुरू आहे.

अमरावतीत विजयी मताचा कोटा ठरला आहे. पहिल्या पसंतीची 46 हजार 927 मतांचा ठरला आहे. लिंगाडेंना 43383 मते मिळाले असून ते विजयी मताच्या कोटाच्या जवळ आहेत. यामुळे लिंगाडेंची विजयाची शक्यता अधिक आहे.