Nagpur News : नागपूर दक्षिण-पश्चिम मतदारसंघात प्रचार दौऱ्यानिमित्त भाजप नेते उपमुख्यमंत्री देवेंद्र फडणवीस सहभागी झाले. यात फडणवीस यांनी उद्धव ठाकरेंवर निशाणा साधला आहे.
'ते अमेरिकेचे राष्ट्राध्यक्ष डोनाल्ड ट्रम्प यांना सुद्धा पद सोडायला सांगतील, असा टोला लगावला आहे.
भाजप नेते देवेंद्र फडणवीस (Devendra Fadnavis) नागपूरमध्ये प्रचार रॅलीत सहभागी झाले. त्यावेळी त्यांनी माध्यमांशी संवाद साधला. यावेळी त्यांनी उद्धव ठाकरे घेत असलेल्या सभा अन् पंतप्रधान नरेंद्र मोदी आणि अमित शाह केलेल्या टीकेचा समाचार घेतला.
उद्धव ठाकरे (Uddhav Thackeray) यांनी त्यांच्या सभेतून पंतप्रधान नरेंद्र मोदी आणि अमित शाह यांना आव्हान देत आहेत. थेट हल्ले चढवत आहे. जम्मू-काश्मीरमधील कमल 370, वीर सावरकर, हिंदूहृदयसम्राट बाळासाहेब ठाकरेंचे हिंदुत्व, काँग्रेस आदी मुद्यांवर ते 'मार्मिक'पद्धतीने भाष्य करत भाजपला सुनावत आहेत. जम्मू-काश्मीरमधील चिघळत्या परिस्थितीवरून अमित शाह यांनी गृहमंत्रीपद सोडावं, असा थेट हल्ला उद्धव ठाकरेंनी चढवला आहे.
उद्धव ठाकरेंनी अमित शाह यांनी गृहमंत्रीपद सोडावे म्हणून केलेल्या भाष्यावर नागपूरमध्ये प्रचाररॅलीमध्ये सहभागी झालेले भाजप नेते उपमुख्यमंत्री देवेंद्र फडणवीस यांनी ठाकरे हे डोनाल्ड ट्रम्पला देखील राष्ट्राध्यक्षपद सोडायला सांगतील. त्यात काय एवढं, असा टोला लगावला.
देवेंद्र फडणवीस म्हणाले, "बहीण मैदानात उतरल्या आहेत. मी माझ्या घरच्या मैदानावर आहे. घरच्यांनी स्वागत केल्यावर होत असलेला आनंद वेगळाच असतो. आत्मविश्वास आहे, पण अतिआत्मविश्वास नाही. आम्ही जिंकणार आहोत". सर्व्हेचे आकडे काय बोलतात, यावर आमचे लक्ष नाही. सर्व्हे कधी चांगला असतो, कधी वेगळा असतो. आम्ही लोकांमध्ये राहणारे आहोत. त्यामुळे लोक, जनता आमच्याबरोबर आहे. परिवर्तन व्यक्ती करत नाहीत. जनता करत असते, असेही फडणवीस यांनी म्हटले.
सरकारनामाचे सदस्य व्हा
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.