Vidarbha Mahanagarpalika Elections Result Live : अमरावतीत काँग्रेस भाजपला मोठा धक्का देणार? निकालांनी वाढविली धडधड

अमरावती महापालिकेच्या निवडणुकीत मोठा उलटफेर पाहायला मिळत आहे. काँग्रेसने जोरदार मुसंडी घेतल्याचे चित्र आहे. आतापर्यंत विजयी उमेदवारांमध्ये काँग्रेसचे १३ उमेदवार असून भाजपला केवळ ७ जागांवर विजय मिळाला आहे.

प्रभाग क्रमांक 13 बाबूपेठ

विजयी उमेदवार

अ गट

1) विनोद लभाने (काँग्रेस)

ब गट

2) सोनिया उंदिरवाडे (बसप)

क गट

3) लता साव (वंचित)

ड गट

4) रामनरेश यादव (काँग्रेस)

प्रभाग क्रमांक 10 एकोरी

विजयी उमेदवार

अ गट

1) राहुल घोटेकर, काँग्रेस

ब गट

2) संजीवनी वासेकर, काँग्रेस

क गट

3) साफिया तवंगर, काँग्रेस

ड गट

4) अझररद्दीन शेख, एमआयएम

नागपूर महापालिकेच्या निवडणुकीत भाजपने शतकी कामगिरी केली आहे. आतापर्यंत हाती आलेल्या कलांमध्ये भाजपचे १०२ उमेदवार आघाडीवर आहेत. तर काँग्रेसला जेमतेम ३७ चा आकडा गाठता आला आहे.

अमरावती भाजपचे आमदार श्रीकांत भारतीय यांचे बंधु तुषार भारतीय पराभूत झाले आहेत.

नागपूर मध्ये भाजपची विजयी वाटचाल सुरू असून बहुमताचा आकडा पार केला आहे. अद्याप मतमोजणी सुरू असून भाजप शंभरहून अधिक जागा जिंकण्याची शक्यता आहे. थोड्याच वेळात केंद्रीय मंत्री नितीन गडकरी यांच्या महाल येथील निर्मानाधीन गडकरी वाडा निवासस्थानी भाजप जल्लोष करणार असल्याचे समजते. भाजपकडून जल्लोषाची तयारी सुरू.

राज्यातील महापालिकांमध्ये जोरदार मुसंडी मारलेल्या भाजपला अमरावतीत मोठा धक्का बसला आहे. मुख्यमंत्री देवेंद्र फडणवीस यांचे मामेभाऊ विवेक कलोती यांचा पराभव झाला आहे. हा मुख्यमंत्र्यांसाठीही धक्का आहे. कलोती हे प्रभाग क्रमांक १४ जवाहर गेट बुधवारा मतदारसंघाचे भाजपचे उमेदवार होते.

अमरावतीरतील प्रभाग क्रमांक 14(अ) मधून काँग्रेसचे माजी महापौर विलास इंगोले सातव्यांदा विजयी. प्रभाग क्रमांक 14(ब) काँग्रेसच्या सुनीता भेले विजयी झाल्या आहेत.

विदर्भातील नागपूर, अमरावती व अकोला महापालिकेत भाजपने आपली ताकद दाखवून दिली असली चंद्रपूर महापालिकेत मात्र काँटे की टक्कर सुरू आहे. चंद्रपुरात भाजपला आतापर्यंत ८ तर काँग्रेसला नऊ जागांवर आघाडी मिळाली आहे. एकनाथ शिंदेंची शिवसेना एका तर अजित पवारांच्या राष्ट्रवादीला दोन जागांवर आघाडी आहे. उद्धव ठाकरे यांच्या शिवसेनेला चार जागांवर आघाडी मिळाली आहे.

अकोला महापालिका निवडणुकीच्या निकालात भाजपने बहुमताच्या दिशेने वाटचाल सुरू केली आहे. एकूण ८० जागांसाठी झालेल्या निवडणुकीच्या निकालात आतापर्यंत भाजपचे ३३ उमेदवार आघाडीवर आहेत. तर काँग्रेसला केवळ १५ जागांवर आघाडी मिळाली आहे. उद्धव ठाकरेंच्या शिवसेनेचे सात उमेदवार तर राष्ट्रवादी काँग्रेस आणि एकनाथ शिंदेंच्या शिवसेनेचे चार उमेदवार आघाडीवर आहेत.

नागपूर महानगरपालिका निवडणुकीत भाजपने जोरदार मुसंडी मारली आहे. आतापर्यंत हाती आलेल्या कलांमध्ये १५१ पैकी तब्बल ६० जागांवर भाजपच्या उमेदवारांनी आघाडी घेतली आहे. प्रमुख विरोधी पक्ष असलेल्या काँग्रेसला केवळ १८ जागांवर आघाडी मिळाली आहे. तर उद्धव ठाकरेंच्या शिवसेनेला एका जागेवर आघाडी मिळाली आहे. इतर कोणत्याही पक्षाचे उमेदवार रेसमध्ये नाहीत.

अमरावती महापालिकेच्या निवडणुकीत भाजपने आघाडी घेतली आहे. भाजपचे नऊ उमेदवार आघाडीवर आहेत. तर राष्ट्रवादी काँग्रेस आणि काँग्रेसही रेसमध्ये असून दोन्ही पक्षांचे प्रत्येकी सहा उमेदवारांनी सुरूवातीच्या कलांमध्ये आघाडी घेतली आहे.