Winter Session : शिवसेना ठाकरे गटाचे प्रमुख उद्धव ठाकरे (Uddhav Thackeray) आणि शालेय शिक्षणमंत्री दिपक केसरकर (Deepak Kesarkar) हे उपसभापती नीलम गोऱ्हे यांच्या दालनात आमने - सामने आले होते. ठाकरे आणि केसरकर यांच्यात काही सेकंद चर्चा झाल्याचीही माहिती मिळते. यावेळी दोघांनीही एकमेकांना प्रश्न केला व काही सेकंदांनी एकमेकांपासून दूर ही गेले. काही क्षणांसाठी झालेल्या या सामन्याची आता एकच चर्चा होताना दिसत आहे.
ठाकरे आणि केसरकरांची ही भेट अचानक झाली होती. उपसभापती नीलम गोऱ्हे यांच्या दालनातून केसरकर बाहेर येत होते. त्याच वेळी ठाकरेहे दालनात प्रवेश करत होते. यावेळी भेट झाल्यानंतर त्यांच्यात शाब्दिक चकमक झाली. "जे काही विधिमंडळात कामकाज चाललेली आहे. विधिमंडळाबाहेर शिंदे गटाचं कामकाज चालेलेलं आहे, ते योग्य होत नसून, यावर ठाकरेंनी नाराजी व्यक्त केली.
जे काही चाललं आहे ते योग्य नाही. शाखा ताब्यात घेणं, कार्यालय ताब्यात घेणं, हे शोभत नाही, असे ठाकरे केसरकरांना म्हणाले. याला उत्तर देताना केसकर म्हणाले की, आमच्यावर अजूनही नाराज आहात का? एवढे बोलून केसरकर निघाले. यानंतर ठाकरे ही उपसभापती दालनात गेले.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.