Sushma Andhare : तब्बल 18 वर्षांनंतर सुषमा अंधारेंचा हरवलेला भाऊ सापडला : नियतीला देखील पान्हा फुटला..

Sushma Andhare : ठाकरे गटाच्या फायरब्रँड नेत्या अशी ओळख असलेले सुषमा अंधारे यांचा हरवलेला भाऊ तब्बल १८ वर्षानंतर सापडला आहे. त्यांना तब्बल १८ वर्षानंतरसुषमा अंधारे यांना त्यांचा मावसभाऊ सापजला आहे. याबाबत त्यांनी एक फेसबुक पोस्ट लिहिली आहे. यासाठी सुषमा अंधारे यांनी शिवसेना ठाकरे गटाचे आमदार सचिन अहिर यांचे आभार मानले आहे. यासोबतच त्यांनी युवा सेना कार्यकर्त्यांचे देखील आभार मानले आहेत.

यावेळी सुषमा अंधारेस यांना भावना अनावर झाल्या. नियतीला सुद्धा आम्हाला वाट पाहताना पान्हा फुटला, अशा भावना अंधारे यांनी व्यक्त केल्या. हरवलेला मावसभाऊ तब्बल 18 वर्षांनंतर सापडल्याने सुषमा अंधारे भावनाविवश झाल्या.

आपला हरवलेला भाऊ सापडल्यानंतर सुषमा अंधारे यांनी एका वृत्तवाहिनीला मुलाखत दिली. यावेळी त्या म्हणाल्या, लहानपणी घरातून तो बाहेर पडला होता. सुरूवातीचे दोन तीन महिने त्याची शोधाशोध केली. तो कधीतरी परत येईल असं वाटलं. मात्र आता अखेर त्याची भेट झाली.

दोन दिवसापूर्वी माझी गोरेगावला सभा झाली. या निमित्ताने माझे बॅनर झळकले होते. ते बॅनर पाहून त्याला वाटलं की, आपली बहिण कुठेतरी मोठ्या ठिकाणी पोहचलेली आहे. पुन्हा त्याला वाटंल की आपल्याला स्वीकारलं जाणार की नाही, पण त्याने मला फोन केला. यानंतर माझी त्याची भेट झाली, असे अंधारे म्हणाल्या.