मुंबई : बारामती तालुक्यातील काटेवाडी (katewadi) येथील केंद्रीय यंत्रणांकडून तपासणी सुरु झाल्याची माहिती पुढे आली आहे. दरम्यान आयकर विभागाच्या अधिका-यांनी ही चौकशी सुरु केल्याची माहिती सूत्रांनी दिली आहे. उपमुख्यमंत्री अजित पवार (ajit pawar) यांच्या निकटवर्तीयांच्या घरी आयकर विभागाची छापेमारी झाल्याची माहिती आहे. याबाबत अजित पवार यांनी प्रतिक्रिया दिली आहे.
''आयकर विभागाने कुठे छापेमारी टाकावी हा त्यांचा अधिकार आहे. मी सर्व टॅक्स भरतो. राजकीय हेतूने ही कारवाई आहे. यात काय सापडलं हे तेच सांगतील. सत्तेचा गैरवापर कधी आम्ही केला नाही, पण माझ्या नातेवाईकांवरच का कारवाई केली, याचे वाईट वाटतं. माझ्या बहिणी ज्यांचे 35 वर्षांपूर्वी लग्न झाली आहेत. त्यातील एका बहिणीचा कोल्हापूर येथील कारखान्यावर तर पुण्याच्या बहिणीच्या दोन कारखान्यावर का धाडी टाकल्या ? असा सवाल अजित पवारांनी उपस्थित केला आहे.
''त्या माझ्या बहिणी आहेत म्हणून अशा धाडी टाकल्या आहेत, असे त्यांनी स्पष्ट केलं. ''इतक्या खालच्या पातळीवर जाऊन राजकारण का करायचा हे कळत नाही, उद्याच्या निवडणुकीत जनताच याचं उत्तर देतील,'' असे अजित पवारांनी सांगितले. भाजपा नेते किरीट सोमय्या (BJP leader kirit somaiya) यांनी काल महाविकास आघाडी सरकारवर टीकास्त्र सोडलं होते. सोमय्यांनी तक्रार केल्यानंतर राज्यातील पाच कारखान्यांची सध्या चैाकशी सुरु आहे.
सरकारनामाचे सदस्य व्हा
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.