Ambernath Election Update : अंबरनाथ नगरपरिषद निवडणुकीची तारीख 20 डिसेंबरला ढकलताच शहरातील राजकीय पट पुन्हा एकदा हलला आहे. प्रचारासाठी आधीच कोट्यवधींची उधळण केलेल्या उमेदवारांचे संपूर्ण गणित बिघडले असून, आता नव्याने रणनिती आखण्याची धडपड सुरू झाली आहे. महायुतीचे सूर राज्यात जुळत असले तरी अंबरनाथमध्ये भाजप विरुद्ध शिंदेंची शिवसेना असा थेट पक्षांची ‘स्ट्रेट फाइट’ होमार आहे. नगराध्यक्षा पदासाठी मनिषा अरविंद वाळेकर (शिंदे गट) आणि तेजश्री करंजूले (भाजपा) यांच्यातील संघर्ष ही या निवडणुकीची खरी मध्यवर्ती लढत मानली जात आहे.
राज्यात महायुतीचा गजर सुरू असला तरी अंबरनाथमध्ये समीकरण पूर्णपणे वेगळे आहे. येथे थेट भाजप विरुद्ध शिवसेना (शिंदे गट) अशी टक्कर उभी राहिली आहे. नगराध्यक्षा पदाच्या स्पर्धेत शिंदे गटाच्या मनिषा अरविंद वाळेकर आणि भाजपाच्या तेजश्री करंजूले यांच्यातील सामना ही निवडणुकीची मुख्य लढत ठरली आहे.
दोन्ही उमेदवारांच्या प्रचार कार्यालयांत दिवसरात्र रणनीतीचे बैठकी सुरू असून ‘कोणाचा किल्ला भक्कम’ हे पाहण्यासाठी पक्षनेतेही या भागात नियमित फेऱ्या मारताना दिसत आहेत.
सोशल मीडियावर रणांगण
निवडणूक पुढे ढकलल्याने प्रत्यक्ष घराघरातील प्रचारात अचानक खंड पडला. मात्र, प्रत्यक्ष गाठीभेटींना जरी खंड पडला असला तरी आता दोन्ही पक्ष सोशल मीडियाकडे वळले आहेत. बूथवार लक्ष्यपत्रके, डिजिटल व्हिडिओ, आक्रमक व्हॉट्सअॅप मोहीम, स्थानिक इन्फ्लुएन्सर्सचा वापर, अशा विविध साधनांद्वारे मतदारांपर्यंत पोहोचण्याची चढाओढ जोरात सुरू आहे.
निवडणूक पुढे ढकलल्यानंतर अधिक वेळ प्रचाराला मिळताच भाजपने ‘गुप्त राजकीय चाल’ खेळल्याची चर्चा रंगली आहे. शिवसेना (ठाकरे) आणि राष्ट्रवादी (अजित पवार) गटातील उमेदवारांना भेटून “तुमचा प्रचार तुम्ही करा… पण मतदारांना एक नंबरचे बटण दाबायला सांगा” असा विनंती सारखा संदेश देण्यात आल्याच्या कुजबुजीमुळे अंबरनाथचे राजकारण अधिकच तापले आहे. काही उमेदवारांना यासाठी लाखोंची आर्थिक ‘मदत’ दिल्याची गोपनीय चर्चा देखील वातावरणाला गती देते आहे. अंबरनाथ मध्ये भाजपाचे किती नगरसेवक येतात यापेक्षा नगराध्यक्ष पदावर फोकस करा असा संदेश भाजपा कार्यकर्त्यांना वरिष्ठाच्या गोटातून आल्याचे बोलले जातं आहे. या चर्चामुळे निवडणुकीचा रंग अधिक गडद झाला आहे.
बदलापूरच्या निवडणुकीत मतदारांकडे खुलेपणाने पैशांची उधळण झाल्याच्या पार्श्वभूमीवर अंबरनाथमध्येही हा ‘ट्रेंड’ दिसणार का, यावर सर्वांचे लक्ष आहे. निवडणूक पुढे ढकलल्याने प्रचारासाठी आणखी निधी ओतावा लागणार असल्याने उमेदवारांवरील आर्थिक दबाव वाढला आहे.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.