अमित शहांनी घेतले सिद्धिविनायकाचे दर्शन
मुंबई : भाजपाचे राष्ट्रीय अध्यक्ष अमित शहा आज शुक्रवारी एक दिवसाच्या मुंबई भेटीवर आले असून शहा यांनी मुंबईतील लालबागचा राजा या सार्वजनिक गणेश मंडळाला सपत्निक दर्शन घेतले.
भाजपाचे राष्ट्रीय अध्यक्ष अमित शहा हे दरवर्षी मुंबईतील प्रसिध्द अशा लालबागच्या राजाचे दर्शन घेतात. त्यामुळे ते मुंबईच्या भेटीवर आले. आज शुक्रवारी दुपारी 12 वाजता त्यांचे छत्रपती शिवाजी महाराज आंतरराष्ट्रीय विमानतळावर आगमन झाले. त्यानंतर ते मुंबई भाजपाचे अध्यक्ष आशिष शेलार यांच्या घरच्या गणपतीचे दर्शन घेण्यासाठी बांद्रा येथे गेले.
तेथील दर्शन उरकून ते दादर येथील सिद्धिविनायक मंदिरात दर्शनासाठी गेले. सिद्धिविनायकाचे दर्शन घेतल्यानंतर सहपत्निक शहा यांनी लालबागच्या राजाचे दर्शन घेतले. यावेळी मुख्यमंत्री देवेंद्र फडणवीस, भाजप आमदार राज पुरोहित आदी उपस्थित होते. शहा यांचा मुंबई दौरा हा केवळ गणपती दर्शनपुरताच मर्यादित असल्याचे भाजपच्या गोटातून सांगण्यात आले .
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.