दरेकर म्हणतात, आम्ही कायद्याला मानणारे; कर नाही तर डर कशाला...

मुंबई : कुठल्याही प्रकारची नोटिस न देता, कार्यवाही न करता, डायरेक्ट अॅक्शन घेण्यासाठी सरकारचा दबाव होता. पण शेवटी सत्र न्यायालय, उच्च न्यायालय यांच्याकडे या गोष्टी मांडल्यानंतर सरकारला (Mahavikas Aghadi Government) आता नोटिस देण्यावाचून पर्याय नव्हता. म्हणून मला चौकशीची नोटिस दिलेली आहे. त्या नोटीसीला रीतसर जबाब, जी माहिती पाहिजे ती देऊ आणि कायद्याला सहकार्य करण्याची आमची भूमिका राहील. मी स्वतः जाणार आहे. कर नाही तर डर कशाला, असे भाजप नेते (BJP) व विधान परिषदेतील विरोधी पक्षनेते प्रविण दरेकर (Pravin Darekar) यांनी स्पष्ट केले आहे.

प्रविण दरेकर यांना सोमवारी चौकशीसाठी माता रमाबाई पोलिस ठाण्याची नोटिस आली आहे. त्यासंदर्भात दरेकर प्रसारमाध्यमांशी बोलत होते. दरेकर म्हणाले की, आमचा आक्षेपच हा होता की, नोटिस दिल्याशिवाय आपण कशी काय अॅक्शन घेऊ शकता? ४१ ए ची नोटिस द्यावी, असा आमचाच आग्रह होता. आम्ही कायद्याला मानणारे लोक आहोत, लोकप्रतिनिधी आहोत. त्याच्यामुळे कायदेशीर प्रक्रिया पूर्ण करा आणि जी काही कारवाई असेल ती करा, अशा प्रकारचा आमचा आग्रह होता. त्याप्रमाणे मला नोटिस आली आहे. या प्रकरणात कुठल्याही प्रकारचा गुन्हा नसताना सरकारच्या दबावाखाली भाजपच्या नेत्याला त्रास द्यायचा या भावनेतूनच हे कुभांड रचले गेले आहे. म्हणून कुठल्याही प्रकारे पळवाट न काढता मी स्वतः जाऊन सर्व गोष्टींना उत्तर किंवा जी माहिती त्यांना पाहिजे ती देणार असल्याचे दरेकरांनी सांगितले.

हेही वाचा : शरद पवार जातीवादी नाहीत मात्र त्याच्या पक्षात जातीवादी वृत्तीचे काही लोक दिसतात...

पंतप्रधान नरेंद्र मोदींच्या (Narendra Modi) नेतृत्वातील केंद्र सरकार (Central Government) हे सर्व जाती धर्मियांना सोबत घेऊन देशाचा विकास करणारे सरकार असून मुस्लिम समाजाला संरक्षण, समान हक्क देणारे व मुस्लिमांचा विश्वास जिंकणारे सरकार आहे. पंतप्रधान मोदींचे नाव न घेता त्यांच्यावर राष्ट्रवादीचे ज्येष्ठ नेते शरद पवारांनी (Sharad Pawar) धर्मांधतेचा केलेला आरोप चुकीचा आहे,असे मत रिपब्लिकन पक्षाचे (RPI) राष्ट्रीय अध्यक्ष केंद्रीय सामाजिक न्याय राज्यमंत्री रामदास आठवले (Ramdas Athavale) यांनी केले आहे. याबरोबरच शरद पवार हे जातीवादी नाहीत मात्र, त्यांच्या राष्ट्रवादी काँग्रेस पक्षात जातीवादी वृत्तीचे काही लोक दिसतात, अशी टीकाही आठवले यांनी केली आहे.

कर्नाटकात विशिष्ट धर्माच्या लोकांच्या दुकानातुन वस्तू खरेदी करू नका असा फतवा काही संघटनांनी काढला असून त्याचा संदर्भ देऊन पवारांनी पंतप्रधान मोदींचे नाव न घेता त्यांच्यावर धर्मांधतेचा आरोप केला होता. त्यावर आठवलेंनी मोदींच्या कामांचे कौतुक केले आणि पवारांनी केलेले आरोप चुकीचे असल्याचे म्हटले आहे. आठवले म्हणाले, पंतप्रधान मोदी सबका साथ सबका विकास सबका विश्वास या अजेंड्यावर सरकार चालवीत असून संविधानाला राष्ट्रग्रंथ मानून काम करीत आहेत. कोणत्याही जाती धर्मावर अन्याय करण्याची त्यांची भूमिका नसून सर्वांना न्याय देण्याची भूमिका मोदींची असल्याचे आठवलेंनी म्हटले आहे.

पंतप्रधान मोदींनी रमजानच्या शुभेच्छा दिल्या असून माझ्या रिपब्लिकन पक्षातर्फेही देशभरातील मुस्लिम बांधवांना पवित्र रमजानच्या मी शुभेच्छा देत आहे. तसेच भारताच्या विकासासाठी आणि मजबुतीसाठी हिंदू-मुस्लिमांनी एकत्र आले पाहीजे, असे आवाहनही आठवलेंनी यावेळी केले.

दरम्यान, पवारांनी मोदींवर केलेल्या टीकेवर बोलतांना आठवलेंनी पवारांनी मोदींवर केलेल्या टीकेला चुकीचे म्हणत त्याचे खंडण केले. मात्र, पवार यांच्यावर थेट टीका करणे टाळले. ते म्हणाले की, शरद पवार हे जातीवादी नाहीत मात्र, त्यांच्या राष्ट्रवादी काँग्रेस पक्षात जातीवादी वृत्तीचे काही लोक दिसतात, अशी टीका मात्र त्यांनी राष्ट्रवादीवर केली आहे.