Karnataka Assembly Elections : भाजपचं ठरलं ; अमित शाह यांची मोठी घोषणा

Amit Shah : या नवीन वर्षाध्ये ९ राज्यांत (मध्यप्रदेश, राजस्थान, छत्तीसगड, कर्नाटक, तेलंगण, त्रिपुरा, मेघालय, नगालँड व मिझोराम) निवडणुका आहेत. यात जम्मू-काश्मीरला जोडल्यास आकडा १० होतो. या निवडणुकांसाठी भाजपने (bjp)या निवडणुकीसाठी जोरदार तयारी सुरु केली आहे. पण भाजपचा मार्गही सोपा नसला तरी २०२३ हे वर्ष भाजपसाठीही खास वर्ष आहे. कारण त्यांना ५ राज्यांत सरकार वाचवायचे आहे.

आगामी मे महिन्यात कर्नाटकमध्ये विधानसभा निवडणूक (Karnataka Assembly Elections) होण्याची शक्यता आहे. कर्नाटकमध्ये भाजप जेडी (एस)सोबत युती करणार अशी चर्चा काही महिन्यापासून सुरु आहे.या चर्चेला भाजपचे नेते, केंद्रीयमंत्री अमित शाह यांनी पूर्णविराम दिला आहे. ते बंगळुरूमध्ये आयोजित एका जाहीर सभेत बोलत होते.

“आम्ही सत्तेचा वापर लोकांचे जीवनमान उंचावण्याठी करतो. जनतेच्या भल्यासाठी करतो. काँग्रेसला सत्ता केवळ भ्रष्टाचार करण्यासाठी हवी आहे. त्यामुळे काही दिवसांपूर्वीच झालेल्या सात राज्यांच्या निवडणुकीत काँग्रेसला सहा राज्यात पराभव स्विकारावा लागला आहे”, असा टोला त्यांनी लगावला.

कर्नाटकमध्ये जेडी (एस)सोबतच्या युतीची चर्चा अमित शाह यांनी फेटाळून लावली आहे. ते म्हणाले, “जेडी(एस)ला मत देणं म्हणजे काँग्रेसला मत देणं आहे. त्यामुळे आगामी विधानसभा निवडणूक भाजपा स्वबळावर लढवणार आहे. कार्यकर्त्यांनी निवडणुकीसाठी सज्ज राहावं. काही लोकांकडून जेडी(एस) आणि भाजपाची युती होणार असल्याची अफवा परसवली जात आहे," असे शाह म्हणाले.