Mumbai News, 03 Dec : एकीकडे महायुती सरकारचा शपथविधी सोहळा 5 डिसेंबरला होणार असल्याची घोषणा भाजप नेत्यांकडून करण्यता आली आहे. तर दुसरीकडे खाते वाटपावरून काळजीवाहू मुख्यमंत्री एकनाथ शिंदे नाराज असल्याच्या चर्चा सुरू आहेत.
मात्र, शिंदेंच्या नाराजीवरून आता शिवसेना उद्धव बाळासाहेब ठाकरे पक्षाचे नेते संजय राऊत (Sanjay Raut) यांनी वेगळीच शंका उपस्थित केली आहे. एकनाथ शिंदेंचे जे रुसवे फुगवे सुरू आहेत, त्यामागे दिल्लीतील महाशक्तीचा हात आहे. महाशक्तीशिवाय शिंदे अशाप्रकारचं धाडस करू शकत नाहीत, असं वक्तव्य राऊतांनी केलं आहे.
राऊतांनी हे वक्तव्य केल्यामुळे सामाजिक कार्यकर्त्या अंजली दमानिया (Anjali Damania) यांच्या दाव्यात बळ आल्याची चर्चा सुरू आहे. महायुतीत सत्तास्थापनेच्या हालचाली सुरू असताना एकनाथ शिंदे अचानक आपल्या साताऱ्यातील दरे या मूळगावी निघून गेले आणि त्यानंतर ते आजारी पडले. दरे गावातून ते ठाण्याला आल्यानंतरही आजारी असल्याचं सांगितलं जात आहे.
मात्र, शिंदे (Eknath Shinde) नाराज असल्यामुळेच ते आजारपणाचं कारण देत कोणाच्या गाठीभेठी घेतल नसल्याचीही चर्चा आहे. अशातच सामाजिक कार्यकर्त्या अंजली दमानिया यांनी खळबळजनक दावा केल्यामुळे राज्यातील राजकारण मोठा ट्विस्ट आला आहे. दमानिया यांनी एक ट्विट केलं आहे. ज्यामध्ये त्यांनी लिहिलं, "एकनाथ शिंदे विरोधी पक्षनेते? परवाच संध्याकाळी, आमच्या काही कार्यकर्त्यांना मी एक पत्रकार भाऊंशी झालेला संवाद सांगत होते.
चार दिवसांपूर्वी पत्रकार परिषद घेऊन भाजपला समर्थन देणारे शिंदे अचानक गावी गेले, मग ताप काय आला, मग घरी काय आले. 'दाल मे कूछ काला है.' ते पत्रकार मला म्हणाले की, 'भाजपचीच रणनीती असेल की ह्यांना विरोधी पक्षात बसवावे, त्यांना हवे नको ते सगळे पुरवले जाईल आणि विरोधी पक्षनेता पण ह्यांचाच . बाकी सगळे साफ, तसेच होतांना दिसतंय."
दरम्यान, दमानिया यांच्या याच ट्विट संदर्भात संजय राऊत यांना प्रश्न विचारला असता त्यांनी देखील शिंदेंच्या रुसव्या फुगव्यामागे दिल्लीतील महाशक्तीचा हात असल्याचा संशय व्यक्त केला आहे. राऊत म्हणाले, "या देशातला विरोधी पक्ष संपवण्याचा प्रयत्न सुरू आहे. महाराष्ट्रात एकनाथ शिंदेंचे देवेंद्र फडणवीसांच्यामागे (Devendra Fadnavis) जे रुसवे फुगवे सुरू आहेत, त्यामागे दिल्लीतील महाशक्ती कार्यक्रम करत आहे, असं मला वाटतं.
कारण दिल्लीतील महाशक्तीशिवाय शिंदे अशाप्रकारचं धाडस करू शकत नाही. कारण कोणाची हिंमत नाही सध्याच्या दिल्लीतील सत्ताधाऱ्यांविरोधात अशाप्रकारे रुसवे फुगवे करण्याची." असं म्हणत राऊतांनी शिंदे नाराज आहेत हे भाजपचं कटकारस्थान असल्याचा संशय व्यक्त केला आहे.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.