काँग्रेस विचारांशी एकनिष्ठ, लोकाभिमुख नेतृत्व हरपले....
सातारा : काँग्रेसचे ज्येष्ठ नेते व माजी सहकार मंत्री विलासकाका पाटील उंडाळकर यांच्या निधनाचे वृत्त अत्यंत वेदनादायी आहे. आयुष्यभर काँग्रेस पक्षाच्या विचारांशी एकनिष्ट राहून जनतेच्या हितासाठी सदैव तत्पर असणारे लोकाभिमुख नेतृत्व आज हरपले आहे, अशा शब्दात माजी मुख्यमंत्री पृथ्वीराज चव्हाण यांनी कै. विलासराव पाटील उंडाळकर यांना श्रध्दांजली वाहिली.
माजी आमदार विलासराव पाटील उंडाळकर यांचे आज निधन झाले. काही दिवसांपूर्वी विलासकाका व माजी मुख्यमंत्री आमदार पृथ्वीराज चव्हाण यांनी 30 वर्षाचे वैरत्व संपवून एकत्र काम करण्याची जाहीर कार्यक्रमात घोषणा केली. दरम्यान गेले काही दिवसांपासून विलासकाका आजारी होते. त्यांच्यावर साताऱ्यातील खासगी रूग्णालयात उपचार सुरू होते. आज पहाटे त्यांचे निधन झाले.
निधनाचे वृत्त समजल्यानंतर माजी मुख्यमंत्री पृथ्वीराज चव्हाण यांनी समाज माध्यमातून आपली भावना व्यक्त करून श्रध्दांजली वाहिली. पृथ्वीराज चव्हाण यांनी म्हटले की, काँग्रेसचे ज्येष्ठ नेते आणि माजी सहकार मंत्री विलासकाका पाटील उंडाळकर यांच्या निधनाचे वृत्त अत्यंत वेदनादायी आहे.
त्यांच्या रूपाने संपूर्ण आयुष्य काँग्रेस पक्षाच्या विचारांशी एकनिष्ठ राहून जनतेच्या हितासाठी सदैव तत्पर असणारे लोकाभिमुख नेतृत्व आज हरपले आहे. अनेक संकटे, प्रलोभने आली पण त्यांनी कधीही काँग्रेस विचारांशी फारकत घेतली नाही.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.