ठाणे : कोरोनाची साखळी तुटावी यासाठी ठाणे महापालिकेच्यावतीने १२ तारखेपर्यंत पूर्णपणे लॉकडाउन करण्यात आले आहे. ठाणे शहरातून मुंबईकडे जाणाऱ्या महामार्गावर पोलिस बंदोबस्त लावण्यात आला असून वाहनांवर कारवाई करण्यात येत आहे. कोरोनाचा संसर्ग रोखण्यासाठी नागरीकांनी घरीच थांबावे व पोलिस, प्रशासनास सहकार्य करावे, असे आवाहन पोलिसांनी केले आहे.
ठाण्यात आज पासून लॉक डाऊन ला सुरुवात झाली आहे..त्या मुळे शहरातून मुंबईच्या दिशेने जाणारे हायवे वर पोलिसांनी बंदोबस्त लावून कारवाईस सुरुवात केली आहे. वाढत्या कोरोनाचा प्रादुर्भाव लक्षात घेता ठाणे शहर व परिसरात आजपासून (ता. 2 ) ते 12 जुलै पर्यंत ठाणेसह कल्याण, डोंबिवलीमध्ये लोकडाउनला सुरुवात झाली आहे.
पोलिसांनी आज सकाळपासूनच चोख आणि कडक बंदोबस्त लावला आहे. केवळ अत्यावश्यक सेवेतील कर्मचाऱ्यांनाच शहरात जाण्यासाठी परवानगी मिळत आहे. पोलिसांकडून कल्याणमध्ये ठीक ठिकाणी नाकाबंदी करण्यात आली आहे. तसेच सकाळपासून या परिसरातील एकही दुकान उघडलेले नाही. कल्याण डोंबिवलीमधील स्टेशन परिसरातील अत्यावश्यक सेवा सोडून इतर सर्व दुकाने बंद केली आहेत.
विनाकारण रस्त्यावर फिरणाऱ्या नागरिकांवर पोलिस कारवाई करत असल्यामुळे रस्त्यावर देखील रहदारी कमी आहे. विनाकारण रस्त्यावर फिरल्यास पोलीस कारवाईला समोर जाणार असल्याचे पोलिसांकडून वारंवार अनऊसमेंट द्वारे नागरिकांना सूचित करण्यात येत आहे. यावेळी विनाकारण रस्त्यावर फिरणाऱ्या वाहनांवर देखील पोलिसांनी कारवाई करण्यास सुरुवात केली आहे.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.