मविआच्या पत्त्यांचा बंगला दहा तारखेला हलला; आता 'वीस'ला कोसळणार!

मुंबई : विधान परिषद निवडणुकीमुळे (Legislative Council election) राज्यातील राजकीय वातावरण सध्या तापले आहे. सध्या सर्वच पक्षांनी आप-आपल्या आमदारांना हॅाटेलमध्ये ठेवलेल आहे. भाजपने (BJP) ताज हॅाटेलमध्ये आमदारांना ठेवले आहे. यावेळी विरोधी पक्षनेते देवेंद्र फडणवीस (Devendra Fadnavis) यांनी बैठकीमध्ये आमदारांचे अभिनंदन केले. (Legislative Council election Latest Marathi News)

यावेळी फडणवीस म्हणाले, ज्या प्रमाणे राज्यसभेला तुम्ही केलेल्या मेहनतीमुळे १० तारखेला महाविकास आघाडीच्या पत्त्यांचा बंगला हलला. आता २० तारखेला आपले पाचही उमेदवार निवडून आणल्यास महाविकास आघाडीचा पत्त्यांचा बंगला कोसळेल, असा विश्वास आमदारांना फडणवीसांनी दिला.

काही भाजप आमदार मुंबईत येणे बाकी आहे. त्यांना लवकरात लवकर पोहचण्याच्या सूचना देण्यात आल्या आहेत. दरम्यान, विधान परिषदेच्या निवडणुकीसंदर्भात रविवारी सर्व आमदारांना ४ वाजता फडणवीस मार्गदर्शन करणार आहेत. भाजपसाठी अवघड वाटणारी राज्यसभा निवडणुक फडणवीसांच्या रणनितीमुळे जिंकली. तसाच काहीसा चमत्कार विधान परिषद निवडणुकीतही फडणवीसांना करावा लागणार आहे.

त्या नुसार ते उद्या आमदारांना मार्गदर्शन करणार आहेत. विधान परिषद निवडणुकीमध्ये भाजपने ५ आणि महाविकास आघाडीने ६ उमेदवार दिले आहेत. काँग्रेसचे भाई जगताप आणि भाजपचे प्रसाद लाड यांच्यामध्ये थेट लढत होणार आहे. जगताप यांना १० मतांची तर लाड यांना तब्बल २२ मतांची जुळवा जुळव करावी लागणार आहे. त्यामुळे फडणवीसांचे कसब पणाला लागणार आहे.