Navi Mumbai News, 01 Nov : राज्यासह देशभरात गाजलेल्या पुणे शहरातील पोर्शे कार अपघात प्रकरणानंतर राज्यातील विविध शहरात अशा प्रकारचे आणखी काही 'ड्रंक अ‍ॅण्ड ड्राइव्ह'च्या (Drunk and Drive) घटना मागील दिवसांत समोर येत आहेत.
त्यामुळे नशा करुन वाहन चालवणाऱ्यांवर कडक कारवाई करावी अशी मागणी सातत्याने होत आहे. त्यानुसार पोलिसांनी कडक पावलं उचलायला सुरूवात देखील केली आहे. मात्र, तरीही काही तळीरामांना कायद्याचा धाक नसल्याची घटना उघडकीस आली आहे.
कारण ऐन दिवाळीत नवी मुंबईतील (Navi Mumbai Accident) सानपाडा येथे आणखी एक 'ड्रंक अ‍ॅण्ड ड्राइव्ह'ची घटना घडली आहे. या घटनेत एका मद्यपी कार चालकाने तीन जणांना उडवल्याचा धक्कादायक प्रकार उघडकीस आला आहे. हा अपघात गुरूवारी मध्यरात्री झाल्याची माहिती आहे.
एका भरधाव कारने रस्त्याकडेला उभे असलेल्या 3 जणांना धडक दिली. यामध्ये 3 जण जखमी झाले वाहन चालकाला उपस्थित नागरिकांनी पोलिसांच्या (Police) ताब्यात दिले आहे. या घटनेचा पुढील पोलिस करत आहेत. या अपघाताची थरारक घटना कॅमेऱ्यात कैद झाली असून त्याचा व्हिडिओ (Viral Videos) सध्या सोशल मीडियावर व्हायरल होत आहे.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.