Z S Poonawalla: ईडीची मोठी कारवाई; झेड.एस.पूनावालांची 41 कोटींची मालमत्ता जप्त

Mumbai News : पुण्यातील उद्योगपती झेड.एस.पूनावाला यांच्यावर ईडीने मोठी कारवाई केल्याची माहिती समोर आली आहे. झेड.एस.पूनावाला यांची कोट्यवधींची मालमत्ता ईडीने जप्त केली आहे. त्यामुळे झेड.एस.पूनावाला यांना मोठा धक्का बसला आहे.

पनामा पेपर प्रकरणामध्ये झेड.एस.पूनावाला यांचे काही व्यवहार संशयास्पद आढळले होते. याप्रकरणी त्यांच्यावर ईडीने कारवाई केली असल्याची माहिती समोर आली आहे. ईडीने झेड.एस.पूनावाला यांची मुंबईतील सीजे हाऊसमधील तब्बल 41.64 कोटी रुपये किमतींची मालमत्ता जप्त केली आहे.

दरम्यान, ईडीकडून फेमा कायद्याअंतर्गत ही कारवाई करण्यात आली असल्याचं सांगण्यात येत आहे. झेड.एस.पूनावाला यांच्यासह त्यांच्या कुटुंबाविरुद्ध ईडीची चौकशी सुरु आहे. पनामा पेपर प्रकरणात ईडीने ही कारवाई केली. तर या प्रकरणी अधिक तपास ईडीकडून करण्यात येत आहे.

(Edited By- Ganesh Thombare)