IPS : धिवरे, जाधव यांच्यासह पाच जणांना आयपीएस केडर

पुणे : भारतीय पोलीस सेवेत (IPS) यंदा महाराष्ट्रातून पाच अधिकाऱ्यांची निवड झाली आहे. महाराष्ट्र लोकसेवा आयोगाच्या 2003 च्या बॅचचे हे अधिकारी आहेत.

श्रीकांत धिवरे (एसपी सीआयडी पुणे युनिट), प्रकाश जाधव (पोलीस उपायुक्त, मुंबई शहर),  विनय राठोड (पोलीस उपायुक्त झोन 5 ठाणे शहर), अश्विनी सानप (एसपी,सिक्युरिटी कॉर्पोरेशन) आणि  रश्मी करंदीकर (एसपी नागरी संरक्षण) यांना आयपीएस दर्जा (IPS status)मिळालाआहे. हे पाचही अधिकारी 2003 च्या बॅचचे अधिकारी आहेत.

केंद्रीय  गृहमंत्रालयाने याबाबतची अधिसूचना जारी केली आहे. आयपीएसचा दर्जा ज्येष्ठतेनुसार मिळतो. सचोटी आणि चांगले रेकॉर्ड आणि करिअर शीटवर एकही प्रतिकूल नोंद असून चालत नाही. या अधिकाऱ्यांना हैदराबादच्या सरदार वल्लभभाई पटेल राष्ट्रीय पोलीस अकादमीमध्ये काही महिन्यांसाठी आयपीएस इंडक्शन कोर्स करावा लागणार आहे. त्यानंतर ते पुढील सेवत रुजू होणार आहेत.