Gujarat Election : काँग्रेस बदलणार नरेंद्र मोदी स्टेडियमचे नाव..

Gujarat Election Congress Manifesto : खासदार राहुल गांधी यांच्या भारत जोडो यात्रेमुळे सध्या देशभर उत्साहाचे वातावरण आहे. याचा गुजरात निवडणुकीसाठी काय फायदा होणार याबाबत सगळ्यांनाच उत्सुकता आहे. काँग्रेस पक्षाने गुजरात विधानसभा निवडणुकीसाठी उमेदवारांची यादी नुकतीच जाहीर केली आहे. आज (शनिवारी) गुजरात विधानसभा निवडणुकीचा जाहिरनामा कॉंग्रेसने प्रसिद्ध केला आहे.

गृहिणी,विद्यार्थी, शेतकरी, दलित,प्रशासन आदींसाठी कॉंग्रेसने आपल्या जाहिरनाम्यात मोठे आश्वासन दिले आहे.10 लाख नोकऱ्यांसह शेतकऱ्यांना कर्जमाफी व 300 यूनिटपर्यंत मोफत वीज पुरवठा करण्याची ग्वाही दिली आहे.

एका वृत्तवाहिनीशी बोलताना काँग्रेस नेते मधुसूदन मिस्त्री यांनी पंतप्रधान नरेंद्र मोदी यांच्यावर तिखट टीका केली. अहमदाबादच्या नरेंद्र मोदी स्टेडियमचे नाव बदलून सरदार पटेल करण्यात येईल, असेही काँग्रेसने स्पष्ट केले आहे. ते म्हणाले,'मोदींना केव्हाच सरदार पटेल होता येणार नाही. या निवडणुकीत त्यांना स्वतःची कुवत लक्षात येईल.

काय आहे मेनिफेस्टोमध्ये

• गृहिणींना अवघ्या 500 रुपयांत स्वयंपाकाच्या गॅसचे सिलिंडर

• पंचायतींचे हिरावून घेण्यात आलेले अधिकार परत केले जातील.

• भ्रष्टाचार प्रतिबंधक व मनरेगासाचे वेतन वेळोवेळी देण्यास प्राधान्य दिले जाईल.

• 10 लाख तरुणांना सरकारी नोकरी

• शेततळे बांधण्यासाठी सरकार अनुदान देईल.

• कालव्यातून शेतापर्यंत मोफत पाणी पोहोचवण्याची व्यवस्था केली जाईल.