Manohar Joshi Health Update News : माजी मुख्यमंत्री व शिवसेनेचे (Shivsena) ज्येष्ठ नेते मनोहर जोशी यांना सोमवारी रात्री अस्वस्थ वाटू लागले. त्यामुळे त्यांना हिंदुजा रुग्णालयात उपचारांसाठी दाखल करण्यात आले आहे. त्यांच्या प्रकृतीसंदर्भात हिंदुजा रुग्णालयाने महत्त्वाची माहीत दिली आहे.
काल रात्री त्यांना अस्वस्थ वाटू लागले होते. त्यानंतर त्यांना माहीमच्या हिंदुजा रुग्णालयात दाखल करण्यात आले. मनोहर जोशी यांच्यावर आयसीयुमध्ये उपचार सुरू आहेत, अशी रुग्णालयाने दिली आहे. जोशी यांची विचारपूस करण्यासाठी शिवसेना (उद्धव बाळासाहेब ठाकरे) पक्षाचे पक्षप्रमुख उद्धव ठाकरे (Uddhav Thackeray) आणि रश्मी ठाकरे हिंदुजा रुग्णालयात गेले होते.
रुग्णालयाने दिलेल्या माहितीनुसार, सध्या जोशी यांची प्रकृती स्थिर आहे. त्यांच्यावर आयसीयुमध्ये उपचार सुरु आहेत. मात्र, त्यांना ब्रेन ट्यूमरचा त्रास असल्याने प्रकृती चिंताजनक आहे, असे डॉक्टरांनी सांगितले आहे. त्यांच्यावर सध्या डॉक्टरांची एक टीम उपचार करत आहे.
गेल्या काही काळापासून मनोहर जोशी हे राजकारणात सक्रिय नाहीत. मनोहर जोशी (Manohar Joshi) यांनी मुंबई महापालिकेचे नगरसेवक, महापौर, विधान परिषदेचे सदस्य, आमदार, महाराष्ट्राचे मुख्यमंत्री (Former CM) खासदार, केंद्रीय उद्योगमंत्री, लोकसभा अध्यक्ष आणि राज्यसभा सदस्य पदही भुषविले आहे.
Edited by : Amol Jaybhaye
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.