Priya Berde : राष्ट्रवादीला रामराम : प्रिया बेर्डेंची भाजपमध्ये नव्या इनिंगला सुरूवात!

Priya Berde : मराठी चित्रपट सृष्टीतील सुप्रसिद्ध अभिनेत्री प्रिया बेर्डे यांनी आज भाजपमध्ये प्रवेश केला आहे. मराठीतले लाडके अभिनेते दिवंगत लक्ष्मीकांत बेर्डे (Laxmikant Berde) यांच्या त्या पत्नी आहेत. यापूर्वी त्या राष्ट्रवादी काँग्रेस पक्षात (Ncp) कार्यरत होत्या. आता त्यांनी राष्ट्रवादीची साथ सोडत, उपमुख्यमंत्री देवेंद्र फडणवीस (Devendra Fadnavis) यांच्या उपस्थितीत भाजप प्रवेश केला आहे.

सुप्रसिद्ध अभिनेत्री प्रिया बेर्डे यांनी प्रदेशाध्यक्ष चंद्रशेखर बावनकुळे व उपमुख्यमंत्री देवेंद्र फडणवीस यांच्या उपस्थितीत भाजपात दाखल झाल्या आहेत. यापूर्वी प्रिया बेर्डे या राष्ट्रवादी काँग्रेस पक्षात कार्यरत होत्या. आज त्यांनी राष्ट्रवादीला रामराम करत, भाजपमध्ये प्रवेश केला आहे. प्रिया बेर्डे यांनी ७ जुलै २०२२ रोजी राष्ट्रवादी काँग्रेस मध्ये प्रवेश केला होता.

प्रिया बेर्डे या दिवंगत लक्ष्मीकांत बेर्डे यांच्या पत्नी आहेत. त्यांनी नव्वदच्या दशकात अनेक चित्रपटातून काम केले आहे. 'शी ही बनवाबनवी''झपाटलेला, जत्रा इत्यादी चित्रपटातून त्यांनी अभिनय केला आहे. अनेक मराठी -हिंदीमालिकांमधून त्यांनी अभिनयातून चुणूक दाखवली आहे. त्यांच्या ग्लॅमरस प्रतिमेचा भाजपला राजकीय दृष्टीने फायदा होईल का ? हे पाहणे महत्त्वाचे आहे.