Manoj Jarange Health Update : 'दुसऱ्याच दिवशी आवाज खोल, तोंडाला पानी...', बोलता बोलता मनोज जरांगे पाटीलांनीच दिली प्रकृतीची अपडेट

Manoj Jarange Health News : मराठा आरक्षणाच्या मागणीसाठी मनोज जरांगे पाटील आझाद मैदानावर उपोषण करत आहेत. आंदोलकांना सुविधा मिळत नसल्याने आंदोलक सरकारवर संतप्त झाले आहेत. आझाद मैदानच्या जवळी खाऊगल्ल्या, हाॅटेल बंद ठेवण्यात आले आहेत. त्यावरून मनोज जरांगेंनी हा देवेंद्र फडणवीसांचा डाव असल्याचे म्हटले आहे. मराठा आंदोलकांना आवाहन करताना जरांगेनी आपल्या प्रकृतीची अपडेट देखील दिली.

जरांगे म्हणाले, 'आज उपोषणाचा दुसरा दिवस आहे. मात्र, याआधी उपोषण करत असताना चौथ्या दिवशी तोंडला पाणी यायला सुरुवात होते. मात्र, आता दुसऱ्याच दिवशी तसं व्हायला सुरुवात झाली आहे, दोन दिवसांपासून प्रवास आणि आधीच्या उपोषणामुळे हा त्रास होत असावा.'

मनोज जरांगे पाटील बोलत असताना त्यांचा आवाज देखील खोल गेला होता. सरकारला सहकार्य करा, असे आवाहन देत आंदोलकांना करत होते. रस्ता आडवू नका, पोलिसांनी जी जागा दिली आहे तेथे वाहने पार्क करण्याचे देखील ते सांगत होते.

फडणवीसांचे करिअर खाली जाईल

मनोज जरांगे पाटील म्हणाले, मराठा आंदोलक दरवेळेस रस्त्यावर मार खात नसोत. फडणवीसांना मराठ्यांनी सत्तेत आणलंय. एकदा राजकीय करिअर खाली गेले तर परत वर येत नसतं. पुन्हा खाली गेला तर फडणवीसांना परत कधीच वर येता येणार नाही.', असा इशारा देखील मनोज जरांगे पाटील यांनी दिला.