आव्हाडांच्या अटकेनंतर NCP आक्रमक; हजारो कार्यकर्त्यांची पोलीस ठाण्याबाहेर घोषणाबाजी

मुंबई : ऐतिहासिक सिनेमांमध्ये विपर्यास केल्यावरुन राष्ट्रवादीचे नेते जितेंद्र आव्हाड यांनी ठाण्यातील विवियाना मॉलमध्ये चित्रपटगृहात पोहोचले होते आणि त्यांच्यासह कार्यकर्त्यांनी 'हर हर महादेव' चित्रपटाचा शो बंद केला होता.यामुळे यावेळी मोठा राडा झाला होता. याप्रकरणी आव्हाड यांच्यासह त्यांच्या सुमारे शंभर कार्यकर्त्यांवर गुन्हे दाखल करण्यात आले होते.

दरम्यान, आज आव्हाडांना (ता.११ नोव्हेंबर) वर्तकनगर पोलीस ठाण्यात चौकशी करण्यासाठी बोलावण्यात आले आणि अटक करण्यात आली आहे. यामुळे राष्ट्रवादीचे कार्यकर्ते चांगलेच आक्रमक झाले असून हजारोंच्या संख्येंने कार्यकर्ते वर्तकनगर पोलीस ठाण्याबाहेर जमले असून आव्हाडाच्या अटकेचा विरोधात घोषाबाजी केली जात आहे.

(Dr. Jitendra Awhad, NCP, Thane police, Latest News)

आपण चांगल्या कामासाठी आंदोलन केले होते. यामुळे मी या प्रकरणी जामीनही मागणार नाही. राज्य सरकार पोलिसांवर दबाव टाकत असून हा सत्तेचा दुरूपयोग सुरू असल्याचा आरोपही त्यांनी केला आहे. तसेच, आधी माझ्यावर लावलेल्या कलमांवरून मला अटक होऊ शकत नव्हती. मात्र, आता माझ्यावरील कलम वाढवण्यात आली असल्याचा आरोपही आव्हाड यांनी केला होता.

दरम्यान, आव्हाडांना (Jitendra Awhad) अटक केल्यानंतर राष्ट्रवादीचे कार्यकर्ते आक्रमक झाले असून त्यांच्या अटकेचे पडसाद राज्यभर उमटत आहेत. सध्या आव्हाड वर्तकनगर पोलीस ठाण्यात असल्याने ठाण्याबाहेर हजारोंच्या संख्येंने कार्यकर्ते जमले असून ते घोषणा देत आहेत. यामुळे परिसरात चांगलाच गोंधळ उडाला असून पोलिसांची चांगलीच दमछाक होत आहे. मिळालेल्या माहितीनुसार पोलिसांनी येथील काही कार्यकर्तांना ताब्यात घेतले असून काहींना परिसराबाहेर काढण्याचे प्रयत्न पोलीस करत आहेत.