मुंबई पालिका निवडणुकीचे रणशिंग फुंकण्याची तयारी : प्रभागरचना जाहीर

मुंबई : आगामी निवडणुकांच्या पार्श्वभुमीवर बृहन्मुंबई महानगरपालिकेने (BMC) मतदार संघांमध्ये फेरबदल आणि वाढ करण्याचा निर्णय घेतला होता. त्यासाठी महापालिकेचे नव्या 236 प्रभागांचे प्रभागरचनाही तयार करण्यात आल्या होत्या. त्यानुसार आता मुंबईतील (Mumbai) प्रभागांच्या नव्या परिसीमांची अधिसूचना जारी करण्यात आली आहे. यामुळे मुंबईत ९ वॉर्ड वाढविण्यात आले आहेत.

मुंबईत ९ वार्ड वाढविण्यात आले असून यामध्ये 3 शहरे, 3 पश्चिम उपनगरात आणि 3 पूर्व उपनगरात आहेत. अधिसूचनेवर 1 फेब्रुवारी ते 14 फेब्रुवारी या कालावधीत तक्रारी आणि सूचना मागवल्या जातील. 16 फेब्रुवारी रोजी तक्रार सूचनेची माहिती निवडणूक आयोगाला देण्यात येणार आहे. तसेच, 16 फेब्रुवारी ते 26 फेब्रुवारी या कालावधीत तक्रारीचे निवारण करण्यात येणार आहे. तर 2 मार्च रोजी अंतिम यादी जाहीर केली जाईल.

त्यानंतर प्रभागांच्या आरक्षणाची सोडत काढली जाईल. त्यानंतर निवडणूक जाहीर होईल, मात्र ओबीसी आरक्षणाशिवाय निवडणूक होणार असल्याने एसी आणि एसटीसाठी प्रभाग आरक्षण ठेवण्यात आले आहे. दरम्यान, गेल्या काही क्रिडा संकूलाला टीपू सुलतानच्या नामकरणापासून ते इतर अनेक मुद्द्यांवरुन सत्ताधारी पक्ष आणि विरोधकांमधील राजकारण चांगेलच तापले असताना आगामी निवडणूक अधिक रंजक ठरणार आहे.