Mumbai Police Transfer : मुंबई पोलीस दलात मोठे खांदेपालट; बदल्या अन् पदोन्नतीचा धडाका..

Mumbai Police Transfer News : मुंबई पोलीस विभागाबाबत आता मोठी माहिती समोर येत आहे. मुंबई पोलीस दलात मोठे फेरबदल झाले आहेत. मुंबई पोलीलात कार्यरत असलेल्या २८ वरिष्ठ पोलिस निरीक्षकांना थेट सहाय्यक पोलीस आयुक्त पदी बडती देण्यात आली आहे. तर ६ सहाय्यक पोलिस आयुक्तांची बदली करण्यात आली आहे. (Latest Marathi News)

मुंबई शहरातील ६५ पोलिस ठाण्यात वरीष्ठ पोलिस निरीक्षकांच्या बदल्या देखील करण्यात आले आहेत. एकूण ६५ वरिष्ठ पोलिस अधिकाऱ्यांच्या नेमणुकीत ४३ पोलिस निरीक्षकांना पदोन्नती देण्यात आलेली आहे. यामुळे मागील अनेक काळापासून रखडून पडलेल्या पदोन्नतीचा प्रश्न अखेर सुटला आहे.

यामुळे मुंबई पोलीसात मोठे खांदेपालट झाले आहे. मुंबईतील अनेक पोलीस स्थानकात नवे पोलीस निरीक्षक कार्यभार स्वीकारणार आहेत. बदल्या, पदोन्नती याबाबतचे आदेश मुंबई पोलिस आयुक्तांनी आदेश आज दि. १० जून रोजी काढले आहेत.