Kabutarkhana News : मुंबई हायकोर्टाने दादरमधील कबुतरखाना बंद करण्यास सांगितल्यानंतर जैन समाज आक्रमक झाला होता. कबुतरखान्यावर मोर्चा काढत त्यांनी तेथील ताडपत्री आणि बांबू तोडले होते. जैन मुनी निलेशचंद्र विजय यांनी शस्त्र उचलण्याची भाषा केली होती. मात्र, नंतर सैम्य भूमिक घेत राज ठाकरेंनी या प्रकरणी मध्यस्थी करण्याची विनंती त्यांनी केली होती. तसेच आपण त्यांची भेट घेऊ असे म्हटले होते.
आता या प्रकरणात मनसे प्रमुख राज ठाकरे यांनी आपली पहिली प्रतिक्रिया दिली आहे. माझ्या मध्यस्थीची मागणी करणाऱ्या जैन मुनींनी कोर्टाचा निर्णय पाहावा, असे त्यांनी सुनावले. तसेच मंत्री लोढा-बिढा जे मधी येत आहेत त्यांनी कोर्टाचा मान राखला पाहिजे, असे म्हटले.
राज ठाकरे म्हणाले, 'ज्यांनी सुऱ्या आणून आंदोलन केले त्यांच्यावर कारवाई करायल हवी. मराठी लोक गेलं तर त्यांनी धक्काबुक्की झाली, एका पत्रकारला मारलं. हा काय प्रकार आहे, हे मला कळलं नाही. सरकारला नेमकं काय हवं आहे? निवडणुकीसाठी सर्व समाजामध्ये लागती आहे का, ते पाहत आहेत का? पहिली मराठी आणली आता ही कबुतरं आणली. आता माहीत नाही कुठं कुठले प्राणी येतायेत.',
कल्याण-डोंबिवली महापालिकेत मांसविक्रीला 15 ऑगस्टला बंदी करण्यात आली आहे. त्यावर राज ठाकरे म्हणाले, लोकांनी काय खावं याचा निर्णय सरकार आणि महापालिकेने करू नये. स्वातंत्र्य दिनाच्या दिवशी खायचं स्वातंत्र्य नाही, हाच विरोधाभास आहे त्यातीस. मी आमच्या लोकांना सांगितलं आहे हे काही मानायचे नाही. धर्म आणि सण काय आहे, ही गोष्ट सरकारने सांगू नये.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.