Raj-Uddhav Thackeray Alliance : राज ठाकरे-उद्धव ठाकरेंना भेटले, भास्कर जाधव म्हणाले, युती झाली!

Bhaskar Jadhav News : राज ठाकरे हे उद्धव ठाकरेंना वाढदिवसाच्या शुभेच्छा देण्यासाठी मातोश्रीवर आले. मातोश्रीच्या अंगणात ठाकरे बंधूंची भेट देखील झाली. या भेटीनंतर शिवसेना उद्धव बाळासाहेब ठाकरे आणि मनसेची युती होणारी की नाही या चर्चांना पूर्णविराम लागल्याची चर्चा आहे. आमदार भास्कर जाधव यांना युती झाली, अशी थेट घोषणाच केली.

भास्कर जाधव म्हणाले, आजचा दिवस महाराष्ट्रातील मराठी माणसाच्या दृष्टिने एक अत्यंत आनंदाचा, औत्सुक्याचा, स्फुर्तीचा, प्रेरणेचा आणि त्याच बरोबर आशादायक . दोघे बंधू एकत्र येतील की नाही ही शंका उपस्थित केली जात होती. पण दोन्ही भाऊ एकत्र आले ही महाराष्ट्राच्या दृष्टिने अंत्यत आनंदाची गोष्ट आहे. दिवस आहेत.

पत्रकारांनी मनसे-उद्धव बाळासाहेब ठाकरे पक्षाची युती झाली होणार का? असा प्रश्न विचारला असता भास्कर जाधव म्हणाले, 'झाली युती झाली.'दरम्यान, राज ठाकरे यांच्यासोबत मनसेचे नितीन सरदेसाई, बाळा नांदगावकर हे देखील उपस्थित होते.

20 मिनिटे ठाकरे बंधूमध्ये चर्चा

राज ठाकरेंनी उद्धव ठाकरेंना शुभेच्छा दिल्या. दोन्ही बंधूंमध्ये तब्बल 20 मिनिट चर्चा झाल्याची माहिती आहे. ही नेमकी चर्चा कोणत्या मुद्यावर झाली हे समजू शकले नाही. मात्र, उद्धव ठाकरेंच्या वाढदिवसासाठी राज ठाकरे स्वतः मातोश्रीवर आल्याने मनसेचे कार्यकर्ते आणि शिवेसना उद्धव बाळासाहेब ठाकरे यांचे कार्यकर्त्यांमध्ये उत्साह दिसून आला.

उद्धव ठाकरे काय म्हणाले?

मनसे स्थापन केल्यापासून उद्धव ठाकरेंना वाढदिवसाच्या शुभेच्छा देण्यासाठी राज ठाकरे हे मातोश्रीवर कधी गेलेले पाहण्यास मिळाले नाही. तब्बल 20 वर्षानंतर प्रथमच शुभेच्छा देण्यासाठी मातोश्रीवर दाखल झाले. त्यापूर्वी ते अमित ठाकरेंच्या लग्नाची पत्रिका देण्यासाठी देखील मातोश्रीवर आले होते. मात्रस वाढदिवसानिमित्त येण्याची त्यांची ही पहिली वेळ. त्यामुळे राज ठाकरेंच्या भेटीवर बोलताना उद्धव ठाकरेंनी राज आल्याने आनंद झाला, असे म्हटले.