Sujeet Patkar News : संजय राऊतांचे निकटवर्तीय सुजीत पाटकरांना न्यायालयाचा मोठा दिलासा !

Mumbai News : सुजीत पाटकर यांच्याशी संबंधित प्रकणांमध्ये दोन दिवसापूर्वी सक्तवसुली संचलनालय म्हणजेच ईडीकडून धाड टाकण्यात आली होती. सुजीत पाटकर (ए हे शिवसेना ठाकरे गटाचे नेते संजय राऊत यांचे निकटवर्तीय समजले जातात. त्यांच्यावर गुन्हा देखील दाखल करण्यात आला आहे. मात्र आता न्यायालयाने पाटकर यांना तात्पुरता दिलासा दिला आहे. (Latest Marathi News)

कोव्हीड काळातील लाईफलाईन कंपनीच्या घोटाळा प्रकरणात सुजीत पाटकरांविरोधात गुन्हा दाखल करण्यात आला होता. मात्र आर्थिक गुन्हे शाखेने दाखल केलेल्या गुन्ह्यात पाटकर यांना आता मोठा दिलासा मिळाला आहे. ११ जुलैपर्यंत सुजीत पाटकर यांच्यावर कोणतीही कठोर कारवाई करण्यात येऊ नये, असे आदेश विशेष न्यायालयाने आर्थिक गुन्हे शाखेला दिले आहेत.

कोरोनाकाळात मुंबईत कथित कोविड घोटाळा प्रकरणात राज्यभरात ईडीने छापेमारी केली होती. आता उद्योजक सुजित पाटकर यांना दिलासा मिळत आहे. मुंबईतील वरळी आणि दहिसर या ठिकाणी जम्बो कोविड सेंटरचं पाटकर यांनी काँन्ट्रॅक्ट मिळवलं होतं. पाटकरांनी खोटी कागदपत्रे जमा केल्याचा आरोपाची चौकशी करण्यात येत होती.आता या प्रकरणी ११ जुलैपर्यंत सुजीत पाटकरांवर अटकेची कारवाई करू नये, असे आदेश विशेष न्यायालयाने आर्थिक गुन्हे शाखेला दिले आहेत.