शिंदे-फडणवीस सरकार फेब्रुवारी महिना पाहणार नाही; महाविकास आघाडीच्या नेत्यांची गर्जना

मुंबई : महाराष्ट्राच्या राज्यपालांना डिसमिस केल्याचे सांगणारा हा महामोर्चा आहे. शिंदे-फडणवीस सरकार फेब्रुवारी महिना पाहणार नाही. राज्यपालांना एक मिनिटसुद्धा खुर्चीवर बसण्याचा अधिकार नाही. हे राज्यातील सरकार उलथवून टाकण्यासाठी टाकलेले पहिलं पाऊलं आहे. महाराष्ट्र्ची जनता हे सरकार उधळुन टाकण्यासाठी एका संधीची वाट पाहत आहे. यापुढे गावागावात असे मोर्चो निघतील. सर्व पक्ष या मोर्चात सहभागी झाले आहेत. तुम्हाला जमत नसेल तर कर्नाटकच्या मुख्यमंत्र्यांना आमच्या ताब्यात द्या, असे आवाहन खासदार संजय राऊत यांनी केले.

राज्यपाल भगतसिंह कोश्यारी यांच्यासह भाजप नेत्यांकडून गेल्या काही दिवसांपासून सातत्याने अवमानकारक वक्तव्ये केली जात आहेत. याच्या निषेधार्ष आज महाविकास आघाडीच्या वतीने महामोर्च्याचे आयोजन करण्यात आले आहे. यात शिवसेना, कॉंग्रेस, राष्ट्रवादी कॉंग्रेस सह राज्यभरातील सर्वसामान्य जनता आणि अनेक लहान -मोठ्या पक्ष, संघटनांचे कार्यकर्ते सहभागी होत आहेत.