Maharashtra Poltical Crisis: सर्वोच्च न्यायालयाच्या निर्णयानंतर शिंदे गटाची पहिली प्रतिक्रिया; राहुल शेवाळे म्हणाले...

SC Final Decision On ShivSena: महाराष्ट्राच्या सत्तासंघर्षातील 16 आमदारांच्या अपात्रतेचा निर्णय सर्वोच्च न्यायालयाने विधानसभा अध्यक्षांकडे पाठवला आहे. त्यामुळे आता 16 आमदारांच्या अपात्रतेबद्दलचा निर्णय राज्याचे विधानसभा अध्यक्ष घेणार आहेत.

गेल्या 11 महिन्यांपासून देशाचे लक्ष लागून असलेला महाराष्ट्रातील सत्तासंघर्षाचा निकाल आज सर्वोच्च न्यायालयाने दिला. सर्वोच्च न्यायालयाच्या निर्णयानंतर शिवसेनेचे (शिंदे गट) खासदार राहुल शेवाळे यांनी प्रतिक्रिया दिली.

"राज्याला स्थिर सरकार मिळणार असून सर्वोच्च न्यायालयाच्या निर्णयाचे आम्ही स्वागत करतो", अशी प्रतिक्रिया शिवसेना (शिंदे गट) नेते राहुल शेवाळे यांनी दिली.

दरम्यान, सर्वोच्च न्यायालयाने महाराष्ट्रातील सत्तांतराच्या प्रकरणी घडलेल्या अनेक घडामोडींवर जोरदार ताशेरे ओढले. मात्र, महाराष्ट्राच्या सत्तासंघर्षातील 16 आमदारांच्या अपात्रतेचा निर्णय सर्वोच्च न्यायालयाने विधानसभा अध्यक्षांकडे पाठवला. त्यामुळे शिंदे- फडणवीस सरकार दिलासा मिळाला आहे.

(Edited By - Ganesh Thombare)