शिवसैनिकांनो लाचार संजय राऊतांना आताच आवरा...गजानन काळे

मुंबई : राष्ट्रवादी शिवसेनेच्या आमदार, खासदारांची तसेच शिवसैनिकांची कोंडी करतंय त्याबद्दल उघड नाराजी बोलून दाखवली जात आहे. भविष्यात सुप्रिया सुळे या पहिल्या महिला मुख्यमंत्री व संजय राऊत राष्ट्रवादीकडून उपमुख्यमंत्री होता काय हेच चित्र शिवसैनिकांना पहायचे बाकी आहे. शिवसैनिकांनो काळजी घ्या, या लाचार संजय राऊतांना योग्य वेळी आवरा, असा सल्ला मनसेचे नवीमुंबईचे प्रवक्ते गजानन काळे यांनी दिला आहे.

यासंदर्भात मनसेचे गजानन काळे यांनी व्टीटरच्या माध्यमातून मुख्यमंत्री पदावरून राष्ट्रवादी व शिवसेनेत सुरू असलेली रस्सीखेचीवर रस्सीखेचीवर भाष्य केले आहे. यामध्ये त्यांनी शिवसैनिकांना काही सल्लाही दिला आहे. गजानन काळे यांनी म्हटले की, विश्व प्रवक्ते संजय राऊत म्हणतात, पुढील २५ वर्षे महाराष्ट्राचा मुख्यमंत्री शिवसेनेचाच होईल. तर, सुप्रिया सुळेंनी तुळजाभवानीला साकडे घालत पुढचा मुख्यमंत्री राष्ट्रवादीचा होऊ देत, मी नवस फेडण्यास येईन, असे सांगत आहेत.

शिवसेनेचे गजानन किर्तीकर, खासदार संजय जाधव, श्रीकांत शिंदे किंवा इतर सर्व नेते असतील, ज्या पध्दतीने राष्ट्रवादी शिवसेनेच्या आमदार, खासदारांची तसेच शिवसैनिकांची कोंडी करतंय, त्याबद्दल उघड नाराजी बोलून दाखवली जात आहे. ज्या विश्व प्रवकत्यांना मनसेच्या कोंडीची काळजी आहे, त्या संजय राऊतांना शिवसेनेची कोंडी राष्ट्रवादीच्या माध्यमातून होतंय ते पहावत नाही की काय.

भविष्यात मुख्यमंत्री पदाच्या स्पर्धेत राष्ट्रवादीला शिवसेनेचा मुख्यमंत्री नको आहे, असे चित्र सध्यातरी महाराष्ट्रात दिसत आहे. पुढच्या काही दिवसांत सुप्रिया सुळेंना महाराष्ट्राच्या पहिल्या महिला मुख्यमंत्री व संजय राऊत राष्ट्रवादीकडून उपमुख्यमंत्री होतात काय ऐवढेच चित्र शिवसैनिकांना पहायचे बाकी आहे. शिवसैनिकांनो काळजी घ्या, या लाचार संजय राऊतांना योग्य वेळी आवरा, असा सल्ला त्यांनी दिला आहे.