Sanjay Raut : 'या राजकीय हिंसाचारात शिवसेना फिनिक्स पक्षाप्रमाणे झेप घेईल' : राऊतांचा विश्वास!

Sanjay Raut : केंद्रीय निवडणूक आयोगाच्या निर्णयानंतर उद्धव ठाकरे गटाने धनुष्यबाण आणि शिवसेना पक्ष गमावल्यानंतर आता खासदार संजय राऊत यांनी आपली भूमिका स्पष्ट केली आहे. शिवसेना पक्ष पुन्हा फिनिक्सपक्षाप्रमाणे झेप घेईल,असा आशावाद राऊत यांनी व्यक्त केला. काळाच्या पोटात काय काय दडलेलं असतं, हा येणारा काळच सांगेल. ज्या लोक गद्दारीकरून तिकडे गेलेत, ते आता निवडून येणार नाहीत. महाराष्ट्राच्या, मराठी जनतेमध्ये भावनिक वातावरण निर्माण झालं आहे, असे ही राऊत म्हणाले.

ठजनतेमध्ये याबद्दल चीड आणि संतापही आहे. पक्ष आणि चिन्ह बळकावण्याचा कट पुर्वनियोजित होता. आता पक्ष फोडला गेला. यामागे दिल्लीची सत्ता आहे, असा आरोपही राऊतांनी केली. देशामध्ये लोकशाहीच्या नावाने राजकीय हिंसाचार सुरु झाले आहे," असेही राऊत म्हणाले.

40 आमदार म्हणजे शिवसेना नाही :

ज्यांना तिकडे उड्या मारायच्याच होत्या, त्यांनी ते मारल्या आहेत. अशी उडी घेणारे म्हणजे शिवसेना नाही. 40 आमदार आणि 12 खासदार म्हणजे शिवसेना पक्ष होत नाही. जी जमिनीवर, गावागावात शिवसेना आहे, तीच खरी शिवसेना आहे. याच शिवसेनेमुळे हे लोक निवडून आले. आमदार खासदार झाले. पण, याचा विचार आयोगाकडून केला गेला नाही. किती आमदार फुटले यावरुन धनुष्यबाणाचा निर्णय घेण्यात आला आहे. असा निर्णय कोण घेतं? असा प्रश्न राऊतांनी उपस्थित केला. निर्णय कोणी घेतं का? असा सवालही राऊतांनी उपस्थित केला.