Mumbai News: ठाणे जिल्ह्यात दोन नगरपालिकांच्या निवडणुका होत आहे. उपमुख्यमंत्री एकनाथ शिंदे यांच्यासाठी त्या प्रतिष्ठेच्या आहेत. येथे महायुतीचे उमेदवारच एकमेकांच्याविरोधात मैदानात आहेत. वनमंत्री गणेश नाईक आणि उपमुख्यमंत्री एकनाथ शिंदे यांच्यातील शाब्दीक वाद पुन्हा उफाळला आहे.
बदलापूर येथे शिंदे गटाविरुद्ध भाजप आणि राष्ट्रवादी (अजित पवार गट) हे एकत्र निवडणूक लढत आहेत. तर अंबरनाथमध्ये शिंदे गट, भाजप आणि राष्ट्रवादी अजित पवार या तिघांनीही एकमेकांविरोधात उमेदवार उभे केले आहेत. या दोन्ही नगरपरिषदा अ वर्गाच्या असल्याने अनेकठिकाणी प्रचारा दरम्यान वाद देखील होत आहेत.
अंबरनाथ नगरपरिषदेच्या निवडणूकीसाठी प्रचाराकरीता आलेले वनमंत्री गणेश नाईक यांनी नाव न घेता शिवसेना शिंदे गटावर टिका केली होती. प्रवासात कोणी सोबत आले तर त्याला सोबत घेऊ. गाडीत अडचण झाली तरी अडचणही सहन करु. परंतू कोणी बाप होण्याचा प्रयत्न करीत असेल तर त्याला बाप दाखवू अशी टीका त्यांनी केली होती.
ठाणे कल्याणमध्ये भाजपची सत्ता येणार, असे ते म्हणाले होते. यावर कल्याणचे शिवसेनेचे खासदार श्रीकांत शिंदे यांनी उत्तर दिले आहे. 'कोण काय बोलेले त्याला काही अर्थ आहे का ? 2 तारखेला लोक ठरवतील. उगाच तोंडाची वाफ कशाला वाया घालवायची, असा पलटवार शिंदे यांनी केला आहे. ठाणे जिल्ह्यात कुळगाव बदलापूर आणि अंबरनाथचा या नगरपालिकांच्या निवडणुका होत आहे. अंबरनाथमध्ये ५९ आणि बदलापूरमध्ये ४९ नगरसेवकांसाठी निवडणूका होत आहेत.
वनमंत्री गणेश नाईक यांनी नुकत्याच झालेल्या एका सभेत थेट शिवसेनेवर निशाणा साधला होता. त्यांचे विधान समाज माध्यमावर व्हायरल झाले होते. सोबत आला आणि अडचण झाली तर ती आम्ही सहन करू, परंतु बाप व्हायचा प्रयत्न केला. तर त्यांचा बाप दाखविल्याशिवाय राहणार नाही असा थेट इशाराच त्यांनी अंबरनाथमध्ये दिला आहे. ठाणे जिल्ह्यात सर्वत्र भाजपच निवडून येणार आहे. ठाणे, कल्याणमध्ये साफ-सफाई करुन टाकू असेही ते म्हणाले आहेत. त्यांच्या या वक्तव्यानंतर आता चर्चांना उधाण आले आहे. त्याला श्रीकांत शिंदे यांनी प्रत्युत्तर न देता अधिक बोलणे टाळले आहे.
ठाण्यात गणेश नाईक विरुद्ध एकनाथ शिंदे या वाद नेहमीच रंगत असतो. नगरपालिका निवडणुकीत हा वाद उफाळला आहे. भाजपने ठाणे जिल्ह्यात आक्रमक रणनिती आखली आहे. गणेश नाईक विरुद्ध शिंदे पिता-पुत्र असा सामना रंगत आहे. ‘ नवी मुंबई महापालिकेत भाजपचा महापौर होणार आहे. पालघरमध्येही भाजपच येणार. ठाणे आणि कल्याणमध्ये चुरस आहे. परंतु बदलापूर आणि अंबरनाथमध्ये जर निकाल मिळाला तर कल्याण आणि ठाण्यामध्ये साफसफाई होऊन जाईल, असे सांगत गणेश नाईक यांनी शिंदे पिता-पुत्रांना आवाहन दिले आहे.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.