'बविआ'ची मते कुणाला...नार्वेकर अन् लाड स्वागताला गेले पण ठाकूरांनी कुणाचं ऐकलं?

मुंबई : राज्यसभेच्या निवडणुकीसाठी (Rajya Sabha Election) आमदारांचे मतदान पूर्ण झाले आहे. मात्र, या संपूर्ण मतदान प्रक्रियेमध्ये विशेष लक्ष वेधून घेतले ते बहुजन विकास आघाडीच्या उमेदवारांनी. बविआ कोणाला मतदान करणार हे शेवटपर्यंत गुलदस्त्यात राहिले. मात्र, बविआचे आमदार मतदान करण्यासाठी आल्यानंतर त्यांना नेण्यासाठी शिवसेनेच्या (Shivsena) वतीने खुद्द सचिव मिलिंद नार्वेकर (Milind Narvekar) आले होते. तर भाजपच्या वतीने प्रसाद लाड आले होते. बहुजन विकास आघाडीच्या 3 सदस्यांनी मतदानाला शेवटचे १० मिनिटे बाकी असताना मतदान केले. (Rajyasabha Election 2022 News Updates in Marathi)

सुरुवातीपासून बहुजन विकास आघाडीच्या 3 आमदारांच्या मतासाठी शिवसेना आणि भाजपमध्ये (BJP) रस्सीखेच सुरु होती. भाजपच्या वतीने राज्यसभेचे उमेदवार धनंजय महाडिक आणि माजी मंत्री गिशिष महाजन यांनी हितेंद्र ठाकूर (Hitendra Thakur) यांची भेट घेतली होती. तर महाविकास आघाडीच्या वतीने स्वत: शरद पवार आणि मुख्यमंत्री उद्धव ठाकरे यांनी फोन केला होता.

त्याच बरोबर शिवसेनेच्या नेत्यांनी ठाकूर यांची भेट घेतली होती. त्यामुळे त्यांची मते नेमकी कोणत्या उमेदवाराला मिळणार ठाकूर यांनी शेवट पर्यंत जाहिर केले नाही. दरम्यान, शिवसेनेचे उमेदवार संजय पवार (Sanjay Pawar) यांना कॉंग्रेसची ४ मते, राष्ट्रवादी काँग्रेसची (NCP) ९ आणि राष्ट्रवादी समर्थक अपक्षांची तीन मते शिवसेनेचीही १३ मते त्यांना मिळाली आहेत.

त्यामुळे महाविकास आघाडीच्या घटक पक्षांची पहिल्या पसंती क्रमांकाची २६ मते संजय पवार यांना मिळाल्याचा दावा आघाडीच्या नेत्यांनी केला आहे. त्याच बरोबर संजय पवार यांना आघाडीतील इतर घटक पक्ष आणि अपक्ष आमदारांची ही मते मिळाल्याचे सांगितले जात आहे. पहिल्या पसंतीची ४१ मते त्यांना मिळतील असा दावा, शिवसेनेच्या वतीने करण्यात आला आहे.