Mumbai News: हिंदी सक्तीच्या विरोधात ठाकरे बंधू एकत्र येणार असल्याचे स्पष्ट झाले आहे, दोन्ही पक्षाच्या नेत्यांनी याला दुजोरा दिला आहे. शिवसेना उद्धव बाळासाहेब ठाकरे पक्षाचे खासदार संजय राऊत आणि मनसेचे नेते संदीप दैशपांडे यांनी राज-उद्धव ठाकरे 5 जुलै रोजी एकत्र येणार असल्याचे सांगितले आहे.
संजय राऊत यांनी सोशल मीडियावर फोटो शेअर करीत दोन्ही ठाकरे बंधू एकत्र येणार यावर शिक्कामोर्तब केले आहे. संदीप देशपांडे यांनीही माध्यमांशी बोलताना याला दुजोरा दिला आहे.
मराठीसाठी हा मोर्चा असेल, तो राजकीय नसेल, असे राऊत यांनी माध्यमांना सांगितले. एकत्र मोर्चाबाबत राज यांचा मला फोन आला होता, त्यानंतर मी उद्धव ठाकरे यांच्याशी मी संवाद साधला. त्यानंतर 5 जुलै रोजी एकत्र मोर्चा निघणार असल्याचे ठरलं आहे, असे राऊत म्हणाले.
हिंदी सक्तीविरोधात ठाकरे बंधूंनी बाह्या सरसावल्या आहेत, दोन्ही रस्त्यावर उतरणार आहेत, दोन्ही पक्षाकडून मोर्चा काढण्यात येणार असल्याची घोषणा करण्यात आली होती, पण दोन मोर्चे नको, एकच मोर्चा हवा, असे मनसेचं म्हणणे होते. त्यानंतर आज सकाळी राऊतांनी मनसेच्या या मागणीला 'टाळी'देत एकच आणि एकत्र मोर्चा निघेल,असे सांगत 'X'वरुन ठाकरे बंधूंचा जुना फोटो शेअर केला आहे. या फोटोत हे दोन्ही बंधू एकत्र असल्याचे पाहायला मिळते.
“पहिलीपासून हिंदीसक्ती होऊ देणार नाही, त्याविरोधात येत्या ६ जुलैला गिरगाव चौपाटीवरून मोर्चा काढण्याचा निर्णय आम्ही घेतला आहे. त्या मोर्चात कोणताही झेंडा नसेल. तो संपूर्ण मोर्चा हा मराठी माणसाचा असेल. मराठी हाच अजेंडा असेल. त्या मोर्चाचं नेतृत्व मराठी माणूस करेल..असे टि्वट गुरुवारी राज ठाकरे यांनी केले होते.
सरकारला एकदा कळू दे, महाराष्ट्राच्या मनात काय आहेत ते. महाराष्ट्राची संपूर्ण ताकद ६ जुलै रोजी सकाळी १० वाजता गिरगाव चौपाटीवर दिसेल. अशावेळी मला हेही बघायचं आहे, या मोर्चात कोण सामील होतंय आणि कोण येणार नाहीत, हे देखील मला बघायचं आहे.. शिक्षणतज्ज्ञ, भाषातज्ज्ञांशी आम्ही बोलणार आहोत. सर्व विद्यार्थी, पालकांना आम्ही मोर्चाला आमंत्रण देणार आहोत. सरकारला एकदा कळू दे, महाराष्ट्राच्या मनात काय आहेत ते.. हिंदीविरोधी मोर्चात सर्वजण सहभागी होतील. आम्ही महाराष्ट्रातील सर्व राजकीय पक्षांशी बोलणार आहोत. कोणताही वाद आणि भांडणापेक्षा महाराष्ट्र मोठा आहे, हे तुम्हाला ६ जुलैला कळेल…”
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.