उद्धव ठाकरेंचा भाजपला धक्का; मुंबईच्या माजी उपमहापौरांच्या मुलाचा शिवसेनेत प्रवेश...

मुंबई : मुख्यमंत्री एकनाथ शिंदे (Eknath Shinde) यांनी शिवसेनेसोबत बंड केल्यानंतर ४० आमदार, १२ खासदार आणि पक्षाचे पदाधिकाऱ्यांनी सेनेला जय महाराष्ट्र करत शिंदेंच्या गटात दाखल झाले आहे. यामुळे शिवसेनेमध्ये मोठे खिंडार पडलं असून त्यात भाजपनेही शिवसेनेवर (Shivsena) हल्लाबोल केला आहे. यामुळे आगामी मुंबई महापालिका निवडणुकीत शिवसेनेला सत्ता राखणे मोठं आव्हान झालं आहे.

या पार्श्वभूमीवर भाजप (BJP) नेते आणि माजी उपमहापौर डॉ. राम बारोट (Dr. Ram Borate) यांचा मुलगा निरव बारोट यांनी आज उद्धव ठाकरे (Uddhav Thackeray) यांच्या हस्ते शिवबंधन बांधलं आहे. यामुळे हा भाजपसाठी मोठा धक्का मानला जात आहे. (Uddhav Thackeray, Ram Barot Latest News)

भाजपाचे माजी उपमहापौर डॉ. राम बारोट हे गेली ३० वर्षे भाजपाचे नगरसेवक होते. त्याचा मुलगा निरव बारोट यांनी आज शिवसेना पक्षप्रमुख उद्धव ठाकरे यांच्या उपस्थितीत शिवसेनेत प्रवेश केला. यावेळी शिवसेना सचिव मिलिंद नार्वेकर, विनोद घोसाळकर यावेळी उपस्थित होते.

दरम्यान, गेल्या काही दिवसांपासून शिवसेनेतून शिंदे गटात जाणारांची जणू स्पर्धाच लागली आहे. या पार्श्वभूमीवर बारोट यांनी शिवसेनेत केलेला प्रवेश हा महत्वाचा मानला जात आहे. याआधी शिवसेनेतील पदाधिकारी हे शिंदे गट किंवा भाजपमध्ये जात होते. मात्र आता भाजपच्या महत्वाच्या नेत्याच्या मुलाने शिवबंधन बांधल्याने भाजपला मोठा धक्का बसल्याचे बोलले जात आहे.

शिवसेना कुणाची आणि पक्षचिन्ह कुणाचं? याबाबतचा निर्णय आता निवडणूक आयोगामध्ये पोचला आहे. मात्र, ठाकरेंनी आद्यापही हार मानली नसून भाजप आणि शिंदे गटाचा ते सामना करत आहेत. आता या प्रवेशावर भाजपकडून काय प्रतिक्रिया येते. हे बघावे लागणार आहे.