बीडीडी चाळीतल्या महिलेचा जितेंद्र आव्हाडांच्या घराबाहेर आत्महत्येचा प्रयत्न

मुंबई : गृहनिर्माण मंत्री आणि राष्ट्रवादीचे नेते जितेंद्र आव्हाड (Jitendra Awhad) यांच्या बंगल्याच्या बाहेर एका महिलेने आत्महत्या करण्याचा प्रयत्न केला. पोलिसांनी तिला रोखल्यामुळे मोठा अनर्थ टळला आहे. या प्रकरणी आत्महत्येचा प्रयत्न करणाऱ्या महिलेला मरिन ड्राईव्ह पोलिसांनी ताब्यात घेतले आहे. (Jitendra Awhad latest news)

राष्ट्रवादीचे नेते आणि गृहनिर्माण मंत्री जितेंद्र आव्हाड यांचा मंत्रालयासमोर शिवगड बंगला आहे. याठिकाणी ही धक्कादायक घटना घडली असल्याची माहिती पोलसांनी दिली.

संबधीत महिला आव्हाड यांच्या शिवगड बंगल्यासमोर आली व तिने अंगावर पेट्रोल ओतून स्वतःला पेटवून घेण्याचा प्रयत्न केला. त्यापूर्वीच सतर्क पोलिसांनी तिला रोखले. त्यामुळे मोठा अनर्थ टळला आहे.

तृप्ती निवृत्ती कांबळे असं या महिलेचं नाव आहे. ही महिला बीडीडी चाळमधील रहिवासी असल्याची मााहिती समोर आली आहे. या महिलेला मरीन लाईन्स पोलिसांनी ताब्यात घेतले आहे. तिने हे कृत्य का केले याचा तपास पोलीस करत आहे, असे सुत्रांनी सांगितले.