मुख्यमंत्र्यांच्या कार्यक्रमाला बबनराव पाचपुते गैरहजर! 

नगर : कृषी महाविद्यालय श्रीगोंद्यावरून जामखेडला नेल्याने भाजप नेते बबनराव पाचपुते हे मुख्यमंत्री देवेंद्र फडणवीस यांच्या कार्यक्रमाला गैरहजर राहिले. दरम्यान, जामखेडप्रमाणे श्रीगोंद्यालाही कृषी महाविद्यालय करण्याची घोषणा करत फडणवीसांनी तोडगा काढला आहे. 

हळगाव (ता. जामखेड) येथे आज कृषी महाविद्यालयाचे भूमिपूजन मुख्यमंत्र्यांच्या हस्ते झाले. या वेळी पालकमंत्री प्रा. राम शिंदे, कृषी राज्यमंत्री सदाभाऊ खोत, खासदार दिलीप गांधी उपस्थित होते. नाराजी दूर करण्यासाठी मुख्यमंत्र्यांनी श्रीगोंद्यालाही कृषी महाविद्यालय देऊ, असे सांगून समझोता घालण्याचा प्रयत्न केला असला तरी पाचपुते व त्यांचे समर्थक नाराजच असल्याचे दिसून आले. 

निळवंडे धरण व कालव्यांसाठी पाचशे कोटी कोटींचा निधी देऊ, याबाबत मंत्रालयात लवकरच निर्णय होईल, असे मुख्यमंत्री फडणवीस यांनी जाहीर केले.