नाशिकचे माजी खासदार राजाभाऊ गोडसे यांचे निधन
बाळासाहेब ठाकरेंचा 'राजा' शिवसैनिक हरपला
नाशिक : नाशिकचे माजी खासदार राजाभाऊ गोडसे यांचे निधन झाले आहे . त्यांचे वय ५७ वर्षे होते . त्यांच्या पश्चात पत्नी , एक मुलगा दोन मुली , सून , जावई आणि नातवंडे असा परिवार आहे. ते १९९६ ते ९८ या काळात ते नाशिकचे खासदार होते.
सामान्यांची कामे अडवणा-याला शिवसेनेच्या भाषेत धडा देणारा कार्यकर्ता असा त्यांचा दबदबा होता . त्यांच्या संघटन कौशल्यामुळे आणि आक्रमक स्वभावामुळे ते शिवसेनाप्रमुख बाळासाहेब ठाकरे यांचे लाडके होते . शिवसेनाप्रमुख बाळासाहेब ठाकरे त्यांना ' राजा ' नावाने संबोधत असत .
बालपणापासून लाल मातीच्या आखाड्यात शरीर कमावलेले राजाभाऊ नावाजलेले पहिलवान म्हणून पंचक्रोशीत लोकप्रिय होते. युवा अवस्थेतच त्यांनी शिवसेनेचे काम सुरू केले. आक्रमक कार्यपद्धतीमुळे ते जिल्हाप्रमुख झाले. जिल्ह्यात त्यांनी पक्षाचा मोठा विस्तार केला. 1996 च्या लोकसभा निवडणुकीत त्यांनी राष्ट्रवादी काँग्रेसचे नेते नेते खासदार डाॅ वसंतराव पवार यांचा पराभव केला. त्यातुन शिवसेनेचा या मतदारसंघात पहिल्यांदा खासदार झाला.
ते दीर्घकाळ संसरी गावचे सरपंच होते. गेले काही वर्षे ते आजारी होते. त्यांच्यावर अपोलो रूग्णालयात उपचार सुरू होते. त्यात पायाला गॅगरीन झाल्याने शस्त्रक्रिया करावी लागली. आज सायंकाळी त्यांचे निधन झाले. उद्या (ता. 18) त्यांच्या पार्थीवावर अंत्यसंस्कार होणार आहेत.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.