राणेंविषयी आधीच सांगीतले तर पेपर फुटेल : सुधीर मुनगंटीवार

नाशिक  : माजी मुख्यमंत्री नारायण राणे यांच्याविषयीचा निर्णय झाला आहे. योग्य वेळी त्याची माहिती देऊ. आधीच सांगीतले तर पेपर फुटेल, असे मंत्री सुधीर मुनगंटीवार यांनी सांगितले. पंतप्रधान नरेंद्र मोदी यांची नाशिकला जाहिर सभा आहे. मुख्यमंत्री देवेंद्र फडणवीस यांच्या महाजनादेश यात्रेचा समारोप होत आहे. त्यासाठी ते येथे आले आहेत. 

यावेळी ते म्हणाले, ''शिवसेना भाजपची महायुती होणारच आहे. विधानसभा निवडणुकीनंतर राज्यात महायुतीचेच सरकार येणार आहे. यात बदल नाही. आमची  मेगाभरती म्हणजे नोकर भरती नाही. तिकीट देताना जुन्या कार्यकर्त्यांची काळजी घेतली जाईल, जर त्या निष्ठावन्त कार्यकर्त्यांना डावलून पुढे जाणं, हे पक्षाला नुकसानकारक असेल. आमच्याकडे येणारे लोक आम्ही तपासून घेत आहोत. नारायण राणे यांच्या विषयी तपासणी नंतर सर्व काही तुम्हाला समजेल.''