पिंपरीः .पिंपरी-चिंचवडमधील भोसरी विधानसभा मतदारसंघातील अपक्ष उमेदवार आणि माजी आमदार यांची संपत्ती गेल्या पाच वर्षात दोन कोटी रुपयांनी कमी झाली आहे.तरीही कोटी रुपयांचे धनी असलेल्या लांडे-पाटलांकडे मोटार नाही,हे विशेष.
नमूद करण्याजोगी बाब म्हणजे 2013-14 ला एसवायबीए (चौदावी) शिक्षण असलेल्या लांडे यांनी 57 व्या वर्षी म्हणजे 2017-18 या शैक्षणिक वर्षात यशवंतराव चव्हाण मुक्त विद्यापीठातून एमए ही पदव्युत्तर पदवी संपादन केली. गत विधानसभाही त्यांनी भोसरीतूनच लढविली होती. त्यावेळी त्यांनी दिलेल्या विवरणपत्रात 22 कोटी 36 लाख रुपयांची जंगम, तर तीन कोटी 67 लाख रुपयांची स्थावर संपत्ती होती.
तर, पत्नी मोहिनी यांच्याकडे ही संपत्ती अनुक्रमे 28 लाख व तीन कोटी 71 लाख एवढी होती. पाच वर्षात आता 2019 ला त्यात दोन कोटींनी घट झाली आहे. यावेळी निवडणूक आयोगाकडे उमेदवारी अर्जासोबत जोडलेल्या संपत्तीच्या एकही मोटार स्वमालकीची नसल्याचे लांडे यांनी नमूद केले आहे.
सध्या त्यांच्याकडे 22 कोटी 7 सात लाखांची जंगम, तर दोन कोटी 11 लाखांची स्थावर मालमत्ता आहे. त्यात हातातील दोन लाखाची रोकड,बॅंकेत ठेवी साडेअकरा लाख, विमा ऐंशी लाख व 23 लाखाचे दागिने आहेत. तर,पत्नीच्या 28 लाखाच्या जंगम मालमत्तेत दोन लाखाची रोकड,सव्वादोन लाखाच्या ठेवी आणि पाच लाखाचे दागिने आहेत.
पत्नीकडे सव्वातीन कोटी रुपयांची स्थावर संपत्ती आहे. गेल्या पाच वर्षात दोघांच्याही स्थावर मालमत्तेत मोठी,तर जंगम मालमत्ते किंचीत घट झाली आहे.पुणे जिल्ह्यात वरवंड (दौंड), फलटण, आंबी (ता.मावळ)आणि सातारा जिल्ह्यातही त्यांची मोठी शेती असून मुंबईत एक फ्लॅट आहेत.दहा कोटी रुपयांचे बॅंक कर्ज त्यांच्यावर आहे.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.