Chinchwad : राहुल कलाटेंनी डावलला उद्धव ठाकरेंचा आदेश; चिंचवडमधून तिरंगी लढत

By Poll Election : आमदार लक्ष्मण जगताप (Laxman Jagtap) यांच्या निधनानंतर चिंचवडमध्ये पोटनिवडणूक लागली. येथे भाजपकडून दिवगंत आमदारांच्या पत्नी अश्विनी जगताप यांना तर महाविकास आघाडीच्या वतीने राष्ट्रवादीकडून नाना काटे यांना उमेदवारी देण्यात आली आहे.

दरम्यान महाविकास आघाडीकडून शिवसेनेचे (ठाकरे गट) प्रबळ दावेदार असलेले राहुल कलाटे यांनी बंडखोरी केली. त्यांनी अर्ज मागे घेण्यासाठी महाविकास आघाडीतील सर्व नेत्यांनी प्रयत्न केले. मात्र त्यांच्या प्रयत्नांना यश आले नाही. त्यामुळे चिंचवडमधून तिरंगी लढत होणार असल्याचे स्पष्ट झाले आहे. येथील सर्व उमेदवार तुल्यबळ असल्याने या निवडणुकीकडे राज्याचं लक्ष लागले आहे.