Transfer of police officers : कोल्हापूरचे 'एसपी' शैलेश बलकवडेंना साईड पोस्टिंग; त्यांच्या जागी महेंद्र पंडितांची नियुक्ती

IPS Shailesh Balkawade News : राज्य सरकारने पुन्हा पोलिसांच्या बदल्या केलेल्या आहेत. त्यामध्ये कोल्हापूरचे जिल्हा अधीक्षक शैलेश बलकवडे (Shailesh Balkawade) यांची बदली पुणे येथील राज्य पोलीस दलाचे समादेशक म्हणून झाली आहे तर बलकवडे यांच्या जागी कोल्हापूरचे नवीन जिल्हा पोलीस अधीक्षक म्हणून मुंबईचे पोलीस उप आयुक्तत महेंद्र पंडित (Mahendra Pandit) यांची नियुक्ती करण्यात आली आहे.

कोल्हापूरचे (Kolhapur) एसपी शैलेश बलकवडे यांना साईड पोस्टिंग देण्यात आली आहे. त्याच बरोबर बृहन्मुंबईचे पोलीस उप आयुक्त योगेश गुत्ता यांची बदली पोलीस अधीक्षक नागरी हक्का संरक्षण पदावर नांदेडला बदली करण्यात आली आहे. अकोल्याच्या अपर पोलीस अधीक्षक मोनिका राऊत यांची बदली नाशिक शहर उप पोलीस आयुक्त म्हणून बदली करण्यात आली आहे.

तर पोलीस (Police) प्रशिक्षण केंद्र जालनाचे अभय डोंगरे यांची अपर पोलीस अधीक्षक अकोला या पदावर बदली करण्यात आली आहे. दरम्यान, महेंद्र पंडित यांनी नांदेड येथे दोन वर्ष उपअधीक्षकपदाची जबाबदारी सांभाळली आहे. त्यानंतर २०१७ मध्ये ते गडचिरोली येथे अपर पोलीस अधीक्षक होते. त्यानंतर त्यांची मुंबईचे पोलीस उप आयुक्तत म्हणून बदली करण्यात आली होती. आता पुन्हा त्यांना कोल्हापूरमध्ये जिल्हा अधीक्षक म्हणून नियुक्ती झाली आहे.

मात्र, कोल्हापूरचे जिल्हा अधीक्षक शैलेश बलकवडे यांना साईड पोस्टिंग दिल्यामुळे त्याची चर्चा होत आहे. त्यांना पुणे येथील राज्य पोलीस दलाचे समादेशक म्हणून बदली करण्यात आल्यामुळे आश्चिर्य व्यक्त होत आहे.