Pune News : पुणेकारांची वाहतूक कोंडीतून सुटका, रस्तेही घेणार मोकळा श्वास!; वाहतूक कोंडी 53 टक्क्यांनी कमी झाल्याचा दावा

Pune News : दोन एक महिन्यांच्या आधी जगभरातील वाहतूक कोंडीबाबतचा एक अहवाल प्रसिद्ध झाला होता. ज्यात पुण्याचेही नाव होते. तर पुण्यातील वाहतूक कोंडी जगात तिसऱ्या क्रमांकावर असल्याचे या अहवालात स्पष्ट झाले होते. तर अनेकदा याचा फटका सर्वसामान्यांसह राजकीय व्यक्तींना देखील बसला आहे. यावरून एनेकदा प्रश्न उपस्थित झाले आहे. पण आता येथील वाहतूक कोंडी 53 टक्क्यांनी कमी झाल्याचा दावा पुणे पोलिसांनीच केला आहे. हा दावा पुणेकरांसाठी आनंदाची बातमी आहे.

पुणे पोलिसांनी गुरूवारी (ता.27) पत्रकार परिषद घेऊन पुण्यातील वाहतूक कोंडीबाबत माहिती दिलीय. यावेळी पोलिसांनी पुणे शहरातली वाहतूक कोंडी निम्म्याने कमी झाल्याचा दावा करताना ती 53 टक्क्यांनी कमी झाल्याचं दावा करताना वाहतुकीचा वेगही वाढल्याचे म्हटलं आहे. पुणे पोलिसांनी हा दावा वाहतूक कोंडीचा अभ्यासावरून सुधारणा केल्याच्या पार्श्वभूमीवर केला आहे.

पोलिसांनी पुणे शहरातली वाहतूक कोंडीवरून माहिती देताना, एटीएमएस प्रणाली (अडपटीव्ह ट्रॅफिक मॅनेजमेंट सिस्टिम), गुगल मॅप्स, नागरिकांच्या तक्रारी व सोशल मिडिया यांच्या माध्यमातून शहरातील वाहतूक कोंडीचा अभ्यास केला. त्याचे विश्लेषणात्मक करून वाहतुक मार्ग आणि वाहतुकीत सुधारणा केली. यामुळे वाहतुकीचा वेग 10.43 टक्क्यांनी वाढल्याचे सांगितले.

तर फक्त वाहतुक मार्ग आणि वाहतुकीत सुधारणा न करता, वाहतूक नियंत्रण शाखेतील अधिकारी आणि कर्मचाऱ्यांना प्रशिक्षण, सिग्नल यंत्रणेतील बदल, ऑफ स्ट्रीट पार्किंग व्यवस्थे केल्याने बदल होईल, असेही पुणे पोलिसांनी म्हटलं आहे. याशिवाय नियमभंग करणाऱ्या वाहन चालकांवर कारवाईचा वेग वाढवण्यात आला असून यात दुप्पट वाढ झाल्याचेही पुणे पोलिसांनी म्हटलं आहे.